Rosa Elizburu

Rosa Elizburu
	;
; Atxondoko alkate	; 2011 - 2015
; Atxondoko alkate
Bizitza
Jaiotza	Arrasate, 1958ko apirilaren 5a (66 urte)
Herrialdea	Gipuzkoa, Euskal Herria
Hezkuntza
Heziketa	Mondragon Unibertsitatea
Hizkuntzak	gaztelania; euskara
Jarduerak
Jarduerak	politikaria eta irakaslea
Lantokia(k)	Atxondo
Enplegatzailea(k)	Ibaizabal ikastola ; Garabide ; Arizmendi ikastola
Sinesmenak eta ideologia
Alderdi politikoa	Euskal Herria Bildu

Rosa Maria Elizburu Oianguren (Arrasate, Gipuzkoa, 1958ko apirilaren 5a) ezker abertzaleko politikaria da, Atxondoko emakumezko lehen alkatea izan dena. Politikari izateaz gain, irakasle, zuzendari eta pedagogia arduraduna ere izan da.

Gaur egun Kolonbiako Nasa indigena komunitatearekin lanean dihardu.^[1]

Biografia[aldatu | aldatu iturburu kodea]

Lehen ikasketak Angiozarko herri-eskolan egin zituen, eta oinarrizko batxilerrekoak, berriz, Bergarako Mariaren Lagundian ikastetxean eta Bergarako institutuan. Magisteritza ikasketak Eskoriatzako Fakultatean burutu zituen.

Ibilbide profesionala[aldatu | aldatu iturburu kodea]

Irakaslea izanik, Haur Hezkuntzako zikloan 27 urte egin ditu lanean Eskoriatzako Arizmendi-Jose Arana ikastolan. Tarte horretan Ikastolen Elkarteak Haur Hezkuntzako Hezkuntza Proiektua garatzeko 6 urtez liberatu zuen. Durangoko Ibaizabal Ikastolan Lanbide Heziketako Haur Hezkuntzako Goi Zikloaren diseinua egiteaz gain, bertoko ikasketaburua eta irakaslea izan da erretiroa hartu arte (2007-2020). Guztira 41 urtetan aritu da ikastolen munduan.

Hizkuntza lankidetza[aldatu | aldatu iturburu kodea]

Lankidetzan ere aritu da 2013. urtetik aurrera Garabide Elkartearen eskutik Kolonbiako Kauka Departamentuko Çxab Wala Kiwe-Asociación de Cabildos Indígenas del Norte eta Toribio udalerriko Sek Sxab- Plan de Vida Proyecto Nasa erakunde indigenekin, batez ere Haur Hezkuntza eta Lehen Hezkuntzako irakasleak trebatzen. Sek Sxab-ek eskatuta, 2021etik aurrera hamaika laguneko talde bat prestatzen ari da jatorrizko hizkuntzan murgilketa eredua abian jar dezaten, eta horretarako Lehen Hezkuntzako metodologia eta baliabide didaktikoak sortu ditzaten.

Politikari ibilbidea[aldatu | aldatu iturburu kodea]

2011ko maiatzaren 2ko hauteskundeen emaitzen ondorioz, Bildu koalizioaren izenean hautatu zuten alkate.^[2]

2015eko maiatzaren 24ko hauteskundeetako emaitzen ondorioz David Cobos Sarraoa (EH Bildu) izan zen Atxondoko alkatea, Rosa Maria Elizburu Oiangurenen (Bildu) ondotik. Cobosek alkatetza lortu zuen bere taldearen baiezko botoei esker, gehiengo osoaz.

Apurka - apurka udalak aurretik zuen zorra kitatzea lortu zuten legealdiko lau urteetan.^[3]