Roy Lichtenstein

Wikipedia, Entziklopedia askea
Hona jauzi: nabigazioa, Bilatu
Roy Lichtenstein
Roy Lichtenstein (1967).jpg
Bizitza
Jaiotza Manhattan1923ko urriaren 27a
Herrialdea  Ameriketako Estatu Batuak
Heriotza Manhattan1997ko irailaren 29a (73 urte)
Heriotza modua berezko heriotza (pneumonia)
Familia
Seme-alabak
Hezkuntza
Heziketa Ohio Estatuko Unibertsitatea
Art Students League of New York
Hizkuntzak ingelesa
Lanbidea
Lanbidea margolaria, artista, eskultorea eta assistant professorra
Lan nabarmenak Girl with Ball
Girl with Hair Ribbon
Takka Takka
Jasotako sariak
Kidetza Ameriketako Estatu Batuetako Arte eta Letren Akademia
Royal Academy of Arts
Arteen eta Zientzien Ameriketako Estatu Batuetako Akademia
Mugimendua Pop Artea
Zerbitzu militarra
Adar militarra Ameriketako Estatu Batuetako Armada
Gatazka Bigarren Mundu Gerra
Bartzelonaren aurpegia, R. Lichtensteinek Olinpiar Jokoetarako egina, 1992

Roy Lichtenstein (New York, AEB, 1923ko urriaren 27a - New York, AEB, 1997ko irailaren 29a) Estatu Batuetako margolaria izan zen.

Biografia[aldatu | aldatu iturburu kodea]

Arte ikasketak egin ondoren, New Yorken hartu zuen bizilekua. Pop Art mugimenduko aitzindaria izan zen.

1951tik aurrera urtero egin zituen erakusketak, baina 1960-1961 arte ez zuen jendearen arreta erakarri. Espresionismo abstraktuari uko eginik, Walt Disneyren pertsonaiak erabili zituen bere lehen lanetan. Publizitateko irudi arruntenetan (Look Mickey, 1961), komikietan (Whaam!, 1963), egunkarietan eta telebistan aukeratu zituen bere margogaiak. 1963-1966 urteetan komikietan oinarrituta egin zituen sailak dira Lichtensteinen lanik onenak.

Teknikaren aldetik, moldiztegiko baliabideak erabili zituen, eta oso ezaugarri berezia da haren obran puntu txikiz eginiko trama. Bere koadro komikietan oinarrituei eta koadro batzuetan oinarrituriko lanei (Cézanne andrearen erretratua, 1962), gustu txarrekoak iritzi zieten kritiko batzuek, eta Estatu Batuetako gizartearen kontrako satira gogortzat beste batzuek. Telebista eta garbigailu-sail bat ere egin zuen (1961). 1964tik aurrera bizitza modernoko irudiak bigarren mailan utzi zituen, eta espresionismo abstraktuari buruzko lan ironikoak, 1930eko arte-apaindurazkoan oinarrituriko lanak eta izadi hilak landu zituen. Geroztik, arte modernoaren joera nagusiak beraren molde berezian landu zituen, modu jostari eta ironikoan interpretatuz. Litografia eta serigrafia ere landu zituen, oso egokiak baitira bere estilorako, eta brontzez ere landu zituen bere pinturetatik ateratako elementu batzuk.

Wikimedia Commonsen badira fitxategi gehiago, gai hau dutenak: Roy Lichtenstein Aldatu lotura Wikidatan

Erreferentziak[aldatu | aldatu iturburu kodea]