Russell uharteak

Russell uharteak
Russell uharteak
Datu orokorrak
Garaiera	543 m
Mota	uharte multzoa
Azalera	176 km²
Geografia
Koordenatuak	9°04′S 159°09′E / 9.07°S 159.15°E
Estatua	Salomon uharteak
Province of the Solomon Islands	Probintzia Zentrala
Ur-gorputza	Ozeano Barea

Ez nahasi Kanadako Russell uhartearekin.

Russell uharteak, Salomon uharteetako estatuko probintzia zentraleko uhartedia bat da, sumendi jatorriko bi uharte txikiez (Pavuvu eta Mbanika) eta zenbait uhartetxoez osatua.^[1]

Guadalcanal uhartetik 48 kilometro ipar-mendebaldera daude. Uharteak koko-sailez estalita daude partzialki, eta Yandinan, uharteeetako herririk handienean, Mbanikan, kopra eta olio fabrika bat dago.^[2] Yandinak oinarrizko zerbitzuak ere baditu, denda bat, posta-bulegoa eta aireportua barne. Lavukal herria uharte hauetan bizi da eta bere hizkuntzak lavukaleve du izena. Polinesiarren kokaleku bat ere badago, Tikopiatik eramanak, Pavuvuren mendebaldean, Nukuferon bizi direnak. Yandinan langileak daude Salomon uharteetako alde guztietatik datozen landaketetan. Bertako hizkuntzez gain, pijina edo salomondar pidgina ere hitz egiten da, Salomon uharteetako lingua franca dena.

Uharteetan bi eskola daude (Havuna Primary School eta Yandina Community High School) eta Yandinan RAMSI (Regional Assistance Mission to the Solomon Islands).

Historia

Uharteek garrantzi estrategiko txikia izan zuten Bigarren Mundu Gerran, agian Guadalcanaleko gudua baino lehen. Japoniak uharteak menperatu zituen eta, oposiziorik gabe, 1943ko otsailaren 21ean Estatu Batuetako tropek askatu zituzten.^[3] Estatubatuarren presentziaren aztarnak daude oraindik, hala nola hormigoizko plakak eta biltegiratzeko metalezko estalpe handiak.

Yandinako polizia-estazioa izan zen azken tentsio etnikoak irekitzeko ekitaldietako bat, gizon talde batek armagintzari eraso eta arma eta munizio batzuk lapurtu zituztenean. Inplikatuen taldea Guadalcanalgo Armada Iraultzailea bezala ezagutu zen, eta geroago Isatabu Askatasun Mugimendua bezala.^[4]