Russula raoultii
| Russula raoultii | |
|---|---|
 | |
| Sailkapen zientifikoa | |
| Erreinua | Fungi |
| Klasea | Agaricomycetes |
| Ordena | Russulales |
| Familia | Russulaceae |
| Generoa | Russula |
| Espeziea | Russula raoultii Quél., 1886 |
Russula raoultii Russulaceae familiako onddo espezie bat da.[1]
Sinonimoak: Russula ochroleuca var. raoultii, Russula emetica f. raoultii.
Deskribapena
[aldatu | aldatu iturburu kodea]Kapela: 3 eta 6 cm bitarteko diametrokoa, mamitsua baina oso hauskorra, ganbiletik zabaldura, lobulatua, mintzezko ertza, uhindua, neurriz ildaskatua edo tuberkulatua helduaroan. Kapelaren azala erdialderaino bereiz daitekeena, hezea eta distiratsua, krema-horixka kolorekoa horixka-limoi kolorekoa edo krema-boli kolorekoa, baina tonu zurixketara edo zitrinoetara gogor koloregabetzen da.
Orriak: Oinarekin bat egitean biribilduak, kamutsak, zabal, eta orrien artean zain nabariekin, hasieran zuriak, gero krema antzeko kolorekoak edo boli kolorekoak.
Hanka: 2 eta 5 cm bitarteko garaierakoa eta 1 eta 2 cm bitarteko diametrokoa, zilindrikoa, satinatua eta distiratsua, latsa, zuria, manipulatzean edo gehiegizko hezetasunarekin ilundu egiten da.
Haragia: Urria eta oso hauskorra, zuria edo grisaxka samarra hezetasun gehiegirekin. Frutaren usainarekin, zapore min samarrekoa. Erreaktiboak. Guayaco-rekin bizkorra eta kementsua (G); sulfato ferroso-rekin laranja kolorea denborarekin intentsitatea hartzen du; Formol-arekin, arrosa zurbila.[2]
Etimologia: Russula hitza, russus-etik dator, gorriaren txikigarritik: apur bat gorrixka, kolore gorria dutelako Russula generoko espezie askok. Raoultii epitetoa pertsona izenetik dator.
Jangarritasuna
[aldatu | aldatu iturburu kodea]Ez da jangarria.[3]
Nahasketa arriskua
[aldatu | aldatu iturburu kodea]Nahikoa Russula txikia da, beste espezie batzuekin nahas daitekeena.[4]
Sasoia eta lekua
[aldatu | aldatu iturburu kodea]Udan eta udazkenaren hasieran. Goroldioz estalitako leku hezeetan hazten da, pagoen eta haritzen azpian.[5]
Banaketa eremua
[aldatu | aldatu iturburu kodea]Kanada, Ameriketako Estatu Batuak, Costa Rica, Europa, Errusia, Himalaiako eremua.[6]
Erreferentziak
[aldatu | aldatu iturburu kodea]- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Cetto, Bruno. (1987). Guia de los hongos de Europa. Ediciones Omega, S. A. Barcelona, 423 or. ISBN 84-282-0887-5 (T. 4). ISBN: 84-282-0538-8 (O.C.)..
- ↑ (Gaztelaniaz) Aranzadi, zientzia elkartea.
- ↑ (Gaztelaniaz) AVM Asociacion Vallisoletana de Micologia 1986.
- ↑ (Gaztelaniaz) Velazquez Vergara José Ignacio, Suarez Gil Angela. (2009). Catalogo micológico. Banco de setas.
- ↑ Russula raoultii: GBIF—the Global Biodiversity Information Facility.
Kanpo estekak
[aldatu | aldatu iturburu kodea]
Datuak: Q881986
Multimedia: Russula raoultii / Q881986