São Miguel uhartea

São Miguel uhartea Ilha de São Miguel
Picos eskualdeko larreak.
Geografia
Kokalekua	Atlantiar Ozeanoa
Koordenatuak	37° 46′ 00″ N, 25° 28′ 00″ W
Azalera	744,55 km²
Punturik garaiena	1.104 m
Administrazioa
Portugal
Uhartedia	Azoreak
Udalerriak	Lagoa, Nordeste, Ponta Delgada Povoaçao, Ribeira Grande Vila Franca do Campo
Demografia
Biztanleria	137.830 bizt.
Talde etnikoak	Portugaldarrak

São Miguel uhartea Azoreetako (Portugal) ekialdeko uhartea da, uhartedi osoko handiena (759 km2) eta populatuena dena (137.830 biztanle 2011an), horregatik Uharte handia ere esaten zaio. Beste ezizen bat Uharte berdea da. Uharteko hiri handiena Ponta Delgada da.

Kontzejuak

• Lagoa
• Nordeste
• Ponta Delgada
• Povoaçao
• Ribeira Grande
• Vila Franca do Campo

Geografia

Uharteak hainbat faila ageri ditu ipar-mendebaldetik hego-ekialdera doazenak. Hainbat sumendi daude uhartean: Nordeste, Água de Pau, Sete Cidades, Furnas eta Povoação. Hona hemen uharteak dituen eskualdeak:

• Sete Cidades mendizerra: Uhartearen mendebaldea hartzen du. Hainbat konok inguratzen duten kraterra da eta aintzira bat dago bertan.
• Picos eskualde bolkanikoa: Garaiera txikiko lautadan hainbat kono agertzen dira.
• Água de Pau mendizerra: Lagoa do Fogo (Suzko aintzira) aintziraren inguruan dagoen sumendia da.
• Achada das Furnas lautada: Hainbat sumendi kono (Furnas eta Povoação) dituen lautada da. Lagoa das Furnas aintzira ere bertan dago.
• Tronqueira eskualdea: Uhartearen ekialdea hartzen du. Eskualde menditsua da.
• Iparraldeko kostaldeko plataforma.

Bioma

Jatorrizko laurisilva ereindako soroek eta kanpotik ekarritako zuhaitz eta landareek ordezkatu dute. Animaliei dagokienez, turismoak baleak ikusteko jarduerak bultzatu ditu. Hauekin batera izurdeak eta itsas dordokak ere ikusten dira.

Historia

Gonçalo Velho Cabral-ek aurkitu zuen 1427an, Azore uharteetan aurkituriko bigarrena izan zen. Lehenengo asentamendua Povoação Velha izan zen, uhartearen hegoekialdean. 1444 inguruan lurrikara bat izan zen eta Vila Franca do Campo bihurtu zen uharteko gune populatuena. 1522an izandako beste lurrikara batek hiria suntsitu eta 5.000 pertsona hil zirenean Ponta Delgada bihurtu zen hiriburu berria. Gaur egun ere bera da Azore uharte guztietako hiri garrantzitsuena.

Iruditegia

• 

  Ponta Delgadako alde zaharra.

• 

  Baleen atalaia (Ponta Delgada).

• 

  Ponta Delgadako kai zaharra.

• 

  Ribeira Grandeko udaletxea.

• 

  Vila Franca do Campo.

• 

  Lagoa do Fogo aintzira.

• 

  Te zelaiak.

Wikimedia Commonsen badira fitxategi gehiago, gai hau dutenak: São Miguel uhartea