Süd-Tiroler Freiheit

Wikipedia, Entziklopedia askea
Jump to navigation Jump to search
"Hego Tirola ez da Italia" kartela, 2007ko kanpainan Süd-Tiroler Freiheit alderdiaren zaleek ipinita

Süd-Tiroler Freiheit (Hego Tiroleko Askatasuna) Hego Tiroleko alderdi politiko abertzalea da, Italiaren menpeko Hego Tirola Austriako Tirolarekin batu nahi duena. 2007an sortua, ez du onartzen XX. mendearen hasieran gauzatu zen Tirolaren banaketa artifiziala (Iparraldea Austrian geratu zen, eta Hegoaldea Italiaren menpe). Era berean, gehiengo alemaniar hiztunen hizkuntza-eskubideak defendatzen ditu eta elebakartasuna aldarrikatzen du eskualde horrentzat.

Ospetsua izan zen 2007ko udan antolatu zuen kanpaina, "Hego Tirola ez da Italia" eslogan kartel ugaritan jarriz gune turistiko nagusietan.

2013ko hauteskunde lokaletan laugarren indar bozkatuena izan zen (botoen %7,2), Südtiroler Volkspartei indartsuaren, Die Freiheitlichen eskuin muturrekoaren eta Berdeen atzean.

Eva Klotz politikari abertzale tiroldarrak taldea zuzentzen du bere sorreratik.

Europako Parlamentuan Süd-Tiroler Freiheit Europako Aliantza Askea taldean dago, estaturik gabeko nazioen beste alderdi abertzaleekin batera.