Sacré-Cœur basilika

Sacré-Cœur basilika; Basilique du Sacré-Cœur de Montmartre
	Sacré-Cœur basilikaren irudi orokorra.
Kokapena
Herrialdea	Frantzia
Eskualdea	Île-de-France
Metropole	Paris Handiko metropolia
Hiria	Paris
Municipal arrondissement	Parisko 18. barrutia
Administrative quarter of Paris	Clignancourt
Koordenatuak	48° 53′ 12″ N, 2° 20′ 35″ E / 48.886694444444°N,2.343°EKoordenatuak: 48° 53′ 12″ N, 2° 20′ 35″ E / 48.886694444444°N,2.343°E
Altitudea	, itsas mailaren gainetik
Historia eta erabilera
Start of manufacturing or constructiona [[File:Arbcom ru editing.svg	1875
Izenaren jatorria	Sacred Heart
Elizbarrutia	Roman Catholic Archdiocese of Paris
Dedikazioa	Sacred Heart
Arkitektura
Arkitektoa	Paul Abadie
Materiala(k)	Trabertinoa
Estiloa	Byzantine Revival architecturea ; Neorromanikoa
Bisitariak urtean	11.000.000
Webgunea	http://www.sacre-coeur-montmartre.com/ www.sacre-coeur-montmartre.com
	Webgune ofiziala

Sacré-Cœur basilika (frantsesezko Bihotz Sakratua) Parisko eliza katolikoa da, Montmartre muinoaren tontorrean eraikia (18. barrutia). Hamar milioi erromes eta bisitariekin (2006an), Frantziako bigarren monumentu bisitatuena da, Notre-Dame katedralaren atzetik.

Jesusen Bihotzaren basilika da, 1873ko uztailean Frantziako Nazio Biltzarrak bozkatutako lege bati jarraikiz, Frantzia-Prusia Gerrako hildakoak omentzeko eta Parisko Komunako bekatuak garbitzeko. Lehen harria 1875ean ipini zen eta, nahiz eta 1914an amaitu, Lehen Mundu Gerra amaitzean baino ez ez zen sagaratu, 1919an.

Arkitektura[aldatu | aldatu iturburu kodea]

Paul Abadie arkitektoak irabazi zuen basilika eraikitzeko lehiaketa. Honek estilo eklektikoa du, arkitektura erromanikoan eta bizantziarrean oinarritua, batez ere Périgueux hiriko Saint-Front katedralean. Basilikak greziar gurutzeko oinplanoa du. Gurutzearen lau besoen artean kupula bana dago eta trantseptuan kupula nagusia, 83 m garai, tontorrean linterna bat duela.

Erabilitako harri zuria Château-Landongo harrobietatik dator. Abadie arkitektoak aukeratu zuen, haren gogortasuna eta euriarekin garbitzeko duen gaitasuna dela-eta.

Absideko mosaikoa

Barnealdean, absidea Frantziako mosaiko handienarekin apaindua dago, guztira 473,78 m² dituena. Luc-Olivier Mersonek bururatu zuen eta Guilbert-Martin lantegiek gauzatu 1918 eta 1922 artean. Bertan Jesusen Bihotza agertzen da, Eliza Katolikoak eta Frantziak loriatua.

Tamaina handiko ezkila-dorre laukian Frantziako ezkila handiena dago. Bere izena La Savoyarde ("savoiarra") da eta Annecy hirian urtu zuten Paccard anaiek 1895an. 3 metroko diametroa du eta 18.835 kg pisatzen ditu. Ezkila-mihiak 1.200 kg ditu. Savoiako elizbarrutiek eskaini zuten 1895an.