Sacsayhuaman

Sacsayhuaman
Irudi gehiago
Kokapena
Estatu burujabe	Peru
Peruko eskualdea	Cuscoko eskualdea
Peruko probintziak	Cusco probintzia
Hiria	Cusco
Koordenatuak	13°30′28″S 71°58′56″W

Sacsayhuaman (aimarazko saqsaw, "asetzeko tokia", eta waman, "belatza" hitzetatik, hots, "belatza asetzen den tokia" ) Cusco hiritik bi kilometro iparraldera dagoen gotorleku zeremoniala da. XV. mendean eraikitzen hasi ziren, Pachacutecen agintaldian, baina Huayna Capacek amaitu zuen XVI. mendean.

Gotorlekutik inguruaren ikuspegi panoramiko paregabea dago, Cusco hiria bera barne.

Kokapena

Sacsayhuaman "gotorleku zeremoniala" Cuscotik bi kilometrora dago, antzinako Inka Inperioaren hiriburua izan zena. 3700 metroko altueran dago eta 3093 hektareako azalera hartzen du. Harana Ausangate Pachatusan eta Cinca mendiek inguratzen dute, eta Tullumayo ibaiak bustitzen du. Toki horrek paisaia biziki ederra du, flora eta fauna ugariak, besteak beste llamak eta belatzak.

Arkitektura

Hondakinen irudi panoramikoa.

Gotorlekuaren tokia animalia sakratuaren burua da, eta hitz horrek duen itzulpenetako bat, hain zuzen ere puma burua da. Pachacutec Inca Yupanquik, bederatzigarren Inka izan zena, hiria birdiseinatu eta etzandako puma forma eman zion (puma gauza lurtarren zaindaria da).

Bertako eraikinek hartzen duten espazioa bereziki handia da. Arreta gehien pizten dute gotorlekuaren irudiari jarraitzen dioten harrizko hiru harresiek.

Sacsayhuamanen mapa.

Ikus, gainera

• Sacsayhuamango gudua
• Muyucmarca
• Inka Inperioaren historia
• Peruko historia

Kanpo estekak

• Datuak: Q828336
• Multimedia: Sacsayhuamán / Q828336