Sadie Sink

Sadie Sink
	; (2018) Irudi gehiago
Bizitza
Jaiotzako izen-deiturak	Sadie Elizabeth Sink
Jaiotza	Brenham (Texas), 2002ko apirilaren 16a (22 urte)
Herrialdea	Ameriketako Estatu Batuak
Hezkuntza
Hizkuntzak	ingelesa
Jarduerak
Jarduerak	Actris (en) , telebista-aktorea, zinema aktorea, antzerki aktorea eta abeslaria
Lan nabarmenak	ikusi Stranger Things; The Whale (2022ko filma); All Too Well: The Short Film (en) ; Fear Street Part 2: 1978 (en) ; Fear Street Part 3: 1666 (en) ;

Sadie Elizabeth Sink (Brenham, Texas, 2002ko apirilaren 16a) estatubatuar aktore da eta Netflixen, "Stranger Things" telesailean, Max Mayfield pertsonaia interpretatzeagatik eta "American Odyssey" telesailean Suzanne Ballard papera egiteagaitik ezaguna da.

Familia[aldatu | aldatu iturburu kodea]

Sadie familia handi batean hazi zan. Jacey izeneko ahizpa txiki bat dauka eta horretaz gain, beste hiru neba daukaz: Caleb, Spencer eta Mitchell. Bere gurasoak Casey eta Lori dira. Bere aita futboleko entrenatzaile moduan jarduten dau eta bere ama matematikako irakaslea da.

Biografia[aldatu | aldatu iturburu kodea]

Bere izen osoa Sadie Elizabeth Sink da. 2002an jaio zan Texas-en. Txikitatik, neskak sormena handia eukan eta hasieran modako arropa diseinatzaile izatearekin amesten eban, baina gero dena aldatu zan. Egun batean, Disney Channel-eko High School Musical filma ikusi eban eta ikusi ebanetik aurrera aktuazio txikiak egiten hasi zan etxean bere nebarekin.

Orduan, bere ama erabaki eban Sadieri norabide horretan garatzeko aukera ematea. Houston-era joan ziran eta Sadie antzerki-estudio batean antzezpena ikasten hasi zan irakasle ospetsuekin. Baita, dantzatzen eta kantu klaseak hartzen hasi zan. Handik urte gutxira, Broadwayko agertoki handian hasi zan antzezten.

Horrek, Annie (2012) antzerkiko paper nagusia lortzen lagundu eban 11 urtekin eta, ostean, "The Audience" antzerkian, Isabel II erregina bezala antzeztu eban. Handik aurrera hasi zen Sadieren biografia profesionala eta antzerkietan eta zineman egindako ibilbidea.

2013an egin eban debuta Hollywooden, "Lana" bezala, FOX TVko The Americans telesailaren zati batean. Baita, luzemetrai eta laburmetraietan parte hartu eban. 2015an, "American Odyssey" seriean Suzanne Ballard papera interpretatu eban. Paper hau bere filmetako garrantzitsuenetariko bat bihurtu zan. 2016an "Chuck" filmean agertu zan, Zachary Levi eta Adam Baldwin aktoreekin batera. Filmazioen eta emanaldien agenda, familia New Jerseyra bizitzera eraman eban. Holan, neskak maite ebana egin ahal izan eban, baina aldi berean, eskolan ikasten jarraitu eban.

Benetan aukera handiena lortu ebanean, eta ospe handia eman ziona, 2017an izan zan, Netflixen fikziozko beldurrezko telesailean, "Stranger Things". Max, nerabe baten papera, antzeztu eban. Neska ilegorria, patinatzea gustoko ebana eta bideojokoetan aritzen dena. Sadiek ez zekian skate-ean ibiltzen eta egunero hiru orduz, bi hilabetetan zehar entrenatzen egon behar izan zan. Hasieran, telesailaren bigarren denboraldian bakarrik aurkeztu zan. Horren ostean, telesaileko rol garrantzitsuenetako bat lortu eban, beraz, hurrengo denboraldian ere agertu zan.

Gero, beste bi filmetan protagonista izan zan: "Real Rocky" eta "Glass Castle " eta oraindik proiektu gehiagotan lan egiten dabil.

Bizitza pertsonala[aldatu | aldatu iturburu kodea]

Txikitatik gustoko izan dau sukaldaritza eta Master Chef Junior realitian parte hartu gura eban.

Gaur egun, proiektu zinematografiko berrietan parte hartzen dau, modaren inguruko desfileetan parte hartzen dau eta eskolara doa. Datozen urteetan, bere ikasketak unibertsitate batean jarraitzeko asmoa dauka.

Jakina da, Woody Harrelson aktorearen familia eta alabaren oso laguna dela. Baita, Millie Bobby Brown-en lagun ona da eta Mexikora oporretan bidai bat partekatu dabe euren familiekin batera.

Gaur egun, Sadie New York-en bizi da.

Filmografia[aldatu | aldatu iturburu kodea]

Filmak[aldatu | aldatu iturburu kodea]


Urtea	Izenburua	Pertsonaia
2016	Chuck	Kimberly
2017	The glass castle	Lori Walls
2018	Dominion	Kontalaria
2019	Eli	Haley
2021	La calle del terror (2. pelikula): 1978	Ziggy Berman
2021	La calle del terror (3. pelikula): 1666	Constance Berman/ Ziggy Berman
2021	Dear Zoe	Tess DeNunzio
2021	All to well (laburmetraia)	Ella
2022	The Whale	Ellie

Telebista eta telesailak[aldatu | aldatu iturburu kodea]


Urtea	Izenburua	Pertsonaia	Kapituluak
2013	The Americans	Lana	<< Mutually Assured Destruction>> kapituluan
2014	Blue Bloods	Daisy Carpenter	<< Insult to Injury >> kapituluan
2015	American Odyssey	Suzanne Ballard	Zerrenda nagusian
2016	Unbreakable Kimmy Schmidt	Tween Girl	<< Kimmy sees a sunset! >> kapituluan
2017-gaur egun arte	Stranger Things	Max Mayfield	Zerrenda nagusian

Antzerkiak[aldatu | aldatu iturburu kodea]


Urtea	Izenburua	Pertsonaia
2012	Annie	Annie
2015	The Audience	Isabel II erregina

Sariak eta Izendapenak[aldatu | aldatu iturburu kodea]

2018. urtetik, Sadiek izendapen asko jaso dauz. Lehenengo izendapena, MTV Movie Award sarietarako izan zan, Pantailako Duorik Onena izateagatik. 2020an, telebistako drama-aktore onenaren Aktoreen Sindikatuaren sarirako izendatuta egon zan. Azkenik, 2022. urtean, MTV Movie Award Sarirako izendatu eben berriro, Aktuazio Beldurtu Onenaren sarirako. Oraingoz, ez dau horietako saririk lortu, baina lan asko eta ikasketak geratzen jakoz oraindik.

Kanpo estekak[aldatu | aldatu iturburu kodea]

Datuak: Q27452406
Multimedia: Sadie Sink / Q27452406