Saint-Marcouf uharteak

Saint-Marcouf uharteak
Saint-Marcouf uharteak
Datu orokorrak
Mota	Uhartedi eta sea fort (en)
Eponimoa	Saint-Marcouf
Geografia
Koordenatuak	49°29′40″N 1°09′00″W / 49.4944°N 1.15°W
UTC ordua	UTC+01:00 eta UTC+02:00
Estatu burujabe	Frantzia
Frantziaren banaketa administratiboa	Metropolitar Frantzia
Eskualdea	Normandia
Departamendua	Mantxa
Barruti	Cherbourg barrutia
Kantonamendu	canton of Montebourg
Frantziako udalerri	Saint-Marcouf
Ur-gorputza	Mantxako kanala

Saint-Marcouf uharteak Frantziako Mantxako kanalean, Senaren badian dauden uhartedi dira. Bi uharte osatzen dute: Terre eta Large uhartea. Gutxi gorabehera Saint-Marcouf herritik zazpi kilometrotara daude, Cotentin penintsularen parean. Saint Marcouf komunaren menpe daude, (Mantxa departamenduan, Normandian). Garrantzi ekologiko eta historiko handia dute.

Historia[aldatu | aldatu iturburu kodea]

Izenaren jatorria[aldatu | aldatu iturburu kodea]

Erromatarren garaian, bi uharteak Duolimonis deitzen ziren.

VI. mendean, San Markoul, 490ean Bayeuxen jaioa, garai hartan Neustria erresuman, hara erretiratu zen garizuma pasatzeko. 558an hil zenean, Coutancesetik gertu lurperatua izan zen, berak sortu zuen Nanteuileko abadian. Santuak eskrofula sendatu omen zuen eta, horren ondorioz, ezaguna egin zen. Uhartedian egon ondoren bere izena eman zion orduan artxipelagoari. 898an, bere gorpuzkiak Laonetik (Aisne) gertu zegoen Corbenyko abadiara eraman zituzten bikingoen erasoaldietatik salbatzeko. Bere erlikiek eskrofula sendatzearen ospea zuten. Uste horrekin Frantziako erregeak Corbenyko abadiara joan ziren erromesaldian, Reimsen koroatu eta biharamunean.

Babesak[aldatu | aldatu iturburu kodea]

Uhartedi honen garrantzi ekologikoa handia eta, ondorioz, sailkapen desberdinetan kokatuta dago:

Lehen motako Zone naturelle d'intérêt écologique, faunistique et floristique (ZNIEFF).
Natura 2000 sarea
Ehizaren babesa
Kostaldeko perimetroaren ehiza erreserba
Babes bereziko Zone importante pour la conservation des oiseaux ZICO
Gotorlekuak Monumento historiak bezala babestuak daude.
Eskaera egina dago UNESCOren Gizateriaren Ondarea gisa babesteko, Normandiako Aliatuen lehorreratzearen hondartzak kategoriaren barruan.

Uharteak fikzioan[aldatu | aldatu iturburu kodea]

Uharteak eleberri eta komiki askotan agertu dira, ekintzak inguru hauetan kokatuta:

Maurice-Charles Renard, L'Inconnu des îles, Paris, Librairie des Champs-Élysées, « Le Masque» bilduma, 1954, Abenturazko eleberrien Sari Nagusia.
Paul-Jacques Bonzon, Les Six Compagnons et la Bouteille à la mer, Paris, Hachette, « Bibliothèque Verte » bilduma, 1979, 158 or. (ISBN 978-2-01-202138-9).
Bernard Gouley, Les Mystères de Saint Marcouf, Cheminements, « Chemins Noirs » bilduma, 2003 (ISBN 978-2-84478-163-5).
Stéphane Piatzszek eta Stéphane Douay, Tout le monde meurt, Casterman, « Commandant Achab » bilduma (44.liburuki), 2013, 55 or. (ISBN 978-2203070837).
Michel Bussi, N'oublier jamais, Presses de la Cité, 2015, 504 or. (ISBN 978-2-258-10554-6).