Sakata (Yamagata)
| Sakata 酒田市 | |||
|---|---|---|---|
| Japoniako hiria | |||
 | |||
| |||
| Administrazioa | |||
| Estatu burujabe |  Japonia | ||
| Japoniako prefekturak |  Yamagata | ||
| Izen ofiziala | 酒田市 酒田町 | ||
| Jatorrizko izena | 酒田市 | ||
| Posta kodea | 998-8540 | ||
| Geografia | |||
| Koordenatuak | 38°54′53″N 139°50′12″E / 38.91486°N 139.83672°E | ||
 | |||
 | |||
| Azalera | 602,97 km² | ||
| Mugakideak | Tsuruoka (en)  , 庄内町, Mikawa (en) , Mamurogawa (en) , Sakegawa (en) , Tozawa (en) , Yuza (en) , Yurihonjo (en) eta Nikaho (en) | ||
| Demografia | |||
| Biztanleria | 99.235 (2021eko martxoaren 1a) | ||
| Dentsitatea | 165 bizt/km² | ||
| Informazio gehigarria | |||
| Sorrera | 1933ko apirilaren 1a eta 1889ko apirilaren 1a | ||
| Ordu eremua | UTC+09:00 eta Japan Standard Time (en) | ||
| Hiri senidetuak | Osaki (en) , Zheleznogorsk-Ilimsky (en) , Tangshan, Musashino, Shibushi (en) , Kaizu (en) , Kita-ku, Higashi (en) eta Delaware | ||
| city.sakata.lg.jp | |||
Sakata (japonieraz: 酒田市, Hepburn: Sakata-shi) Japoniako Honshu uharteko Tōhoku eskualdeko hiri bat da, Yamagata prefeturako hirugarren hiria. 2023ko erroldaren arabera 96.777 biztanle ditu.
Historia
[aldatu | aldatu iturburu kodea]Antzinako Dewa probintziaren hiriburua Sakatan zegoela uste da, baina arkeologoek ez dute oraindik haren aztarnarik aurkitu. Kamakura Aroan (XII-XIV mendeak) Mogami ibaiaren ahoan portu bat bazela jakina da.
XIX. mendean, Meiji Aroan Honma leinuak agintzen zuen Sakata inguru guztian.[1] 1894ko Shōnai lurrikarak eta hark eragindako suak hiriaren %80a suntsitu zuen. Sakata hiri modernoa 1933ko apirilaren 1ean sortu zen.
Bigarren Mundu Gerran aire eraso bakarra jasan zuen, 1945eko abuztuaren 10ean, eta hiria ongi mantendu zen. Aurrez, 1944an gerra presoen esparru bat ezarri zen.[2]
1976ko urriaren 29an sute handi bat gertatu zen eta hiriaren erdiguneko 1.774 etxe erre ziren.
2005ean Hirata, Matsuyama eta Yawata hiriak batu zitzaizkion Sakatari, populazioa nabarmen handituz.
Geografia
[aldatu | aldatu iturburu kodea]Yamagata prefeturako ipar-mendebaldeko kostaldean kokaturik dago. Japoniako itsasoa du mendebaldean eta Akita prefetura iparraldean.
Iparraldean Chōkai mendia (2.236 m) du[1] baina hiria bera Shōnai lautadan zabaltzen da, Mogami ibaiaren eskumako aldean. Itsasoan barrena 38 kilometrotara dagoen Tobishima uharte despopulatua ere Sakata udalerriari dagokio. Uhartea eta ufalerriaren gehiengoa Chōkai Quasi natura parkeak hartzen du.
Klima
[aldatu | aldatu iturburu kodea]Klima azpitropikal hezea du (Cfa). Uda bero edo epelak ditu eta neguak hotzak dira.
 Datu klimatikoak (Sakata (1981～2010))  | |||||||||||||
|---|---|---|---|---|---|---|---|---|---|---|---|---|---|
| Hila | Urt | Ots | Mar | Api | Mai | Eka | Uzt | Abu | Ira | Urr | Aza | Abe | Urtekoa |
| Batez besteko tenperatura maximoa (°C) | 4.3 | 4.8 | 8.9 | 14.8 | 19.7 | 23.6 | 27.1 | 29.6 | 25.3 | 19.5 | 13.2 | 7.7 | 16.5 |
| Batez besteko tenperatura minimoa (°C) | -1.0 | -1.1 | 1.0 | 5.7 | 11.1 | 16.1 | 20.2 | 21.7 | 17.3 | 11.0 | 5.5 | 1.6 | 9.1 |
| Pilatutako prezipitazioa (mm) | 168.1 | 114.0 | 106.7 | 102.4 | 121.4 | 120.7 | 209.0 | 178.5 | 162.1 | 180.5 | 225.0 | 204.0 | 1892.4 |
| Elur egunak (≥ 1 mm) | 15.8 | 15.7 | 15.6 | 7.2 | 0.7 | 0.0 | 0.0 | 0.0 | 0.0 | 0.2 | 3.8 | 10.9 | 69.9 |
| Eguzki orduak | 39.4 | 59.2 | 117.2 | 172.4 | 191.2 | 178.6 | 164.0 | 208.2 | 150.7 | 141.5 | 89.9 | 43.9 | 1556.2 |
| Hezetasuna (%) | 71 | 70 | 67 | 68 | 71 | 75 | 79 | 76 | 75 | 72 | 71 | 71 | 72.2 |
| Iturria: Japan Meteorological Agency | |||||||||||||
Ekonomia
[aldatu | aldatu iturburu kodea]Sakatako jarduera ekonomiko nagusiak manufaktura, nekazaritza eta merkatal-arrantza dira. Kalitate handiko arroza eta sakea esportatzen ditu.[1]
Hiriko konpainia handiena Maeta Seikan da, zementugintzan aritzen dena eta 2011ko Sendaiko lurrikara eta tsunamiaren ondoren eskualde hura berreraikitzeko lanean diharduena.
Azpiegiturak
[aldatu | aldatu iturburu kodea]Shonay aireportua du[3] eta Mogami ibaiaren ahoan itsasportu garrantzitsua,[1] Japoniako Gobernuak "Portu Nagusia" eta "Portu Berezia" iendatu baitu.[4]
Trenbidea eta errepideak ere baditu.[1]
Ondasun nabarmenak
[aldatu | aldatu iturburu kodea]- Ken Domon argazki museoa
- Honma arte museoa
Iruditegia
[aldatu | aldatu iturburu kodea]
Ken Domon argazki museoa.
Honma arte museoa.
Kaiko-ji tenplua.
Sakata Matsuri jaialdia.
Chōkai mendia.
_-_Flickr.jpg)
Hiri senidetuak
[aldatu | aldatu iturburu kodea]
Erreferentziak
[aldatu | aldatu iturburu kodea]- 1 2 3 4 5 (Ingelesez) Kayasith, Bridgitte. (2022-06-02). «Sakata City» The Hidden Japan (kontsulta data: 2026-02-02).
- ↑ «Sendai POW Camp #9-B Sakata» mansell.com (kontsulta data: 2026-02-02).
- ↑ «News | Routes» www.routesonline.com (kontsulta data: 2026-02-02).
- ↑ (Ingelesez) Yamashita, Derek. (2022-08-31). «A Stroll in The Port City of Sakata» The Hidden Japan (kontsulta data: 2026-02-02).
- 1 2 (Ingelesez) «International Exchange - The Council of Local Authorities for International Relations (CLAIR)» www.clair.or.jp (kontsulta data: 2026-02-02).
- ↑ (Ingelesez) Gazette, Delaware. (2017-04-20). «Delaware, Sakata officially become sister cities» Delaware Gazette (kontsulta data: 2026-02-02).
Kanpo estekak
[aldatu | aldatu iturburu kodea]- (Japonieraz) Sakatako udalaren webgunea
Datuak: Q504690
Multimedia: Sakata, Yamagata / Q504690