San Adrian (Bilbo)

San Adrian
	Euskal Herria
Kokapena
Herrialdea	Bizkaia
Udalerria	Bilbo
Geografia
Koordenatuak	43°14′50″N 2°55′51″W / 43.24722°N 2.93083°W
Azalera	0,47 km²
Demografia
Biztanleria	5.454 (2023)
Dentsitatea	21.816 bizt/km²

San Adrian Bilboko (Bizkaia) auzo bat da, Ibaiondo barrutian kokatua, bosgarren barrutian alegia. San Adrianek 0,47 kilometro koadro ditu, eta 8.042 biztanle zituen 2006an. Hiriaren hego-ekialdean kokaturik, San Adriango auzoak AP-8 autobidearekin egiten du muga hegoaldean, eta San Frantzisko auzoarekin ipar-ekialdean. Pagasarri mendirako igoera arrunta San Adriandik igarotzen da.

1950eko hamarkada eta 1960ko hamarkadan zehar garatu zen auzoa, eta garai hartakoak dira eraikitako etxebizitza gehienak. Auzoko kalerik gehienak Bizkaiko mendien izenak daramatzate. Urte askotan, San Adriango auzoa Bilboko gainerako auzoengandik banandurik egon zen, Miribillako eta A-8 autobideek hesia egiten zutelarik.

1990eko hamarkadan, etxe bloke berriak eraiki dira San Adriango etorbidean, eta azkenik 2000. urtetik aurrera, 3.100 etxebizitza eraiki ziren Miribilla izeneko gune berrian. Etxebizitza berri horiekin, biztanleria asko hazi da eta 2003tik 6.000 8.000ra igo da auzoan bizi den jende kopurua, hiriko auzo askotako jendea Miribillara etorri eta gero.