San Frantzisko eliza (Évora)

Wikipedia, Entziklopedia askea
Jump to navigation Jump to search
Sâo Francisco eliza
Evora-StFrancisView.jpg
Kokapena
Herrialdea Portugal
Portugalgo barrutiaEvora
Municipality of PortugalÉvora
FreguesiaUnião das Freguesias de Évora (São Mamede, Sé, São Pedro e Santo Antão)
Koordenatuak 38° 34′ 08″ N, 7° 54′ 31″ W / 38.568965°N,7.908622°W / 38.568965; -7.908622Koordenatuak: 38° 34′ 08″ N, 7° 54′ 31″ W / 38.568965°N,7.908622°W / 38.568965; -7.908622
Historia eta erabilera
Irekiera1550 (egutegi gregorianoa)
Arkitektura
Estiloa Manueldar estiloa
Ondarea

Évorako katedrala (portugesez: Igreja de São Francisco) Évora hiriko eliza gotikoa da, bere hezurren kaperarengatik ezaguna (portugesez: ICapela dos Ossos). Hiriaren erdigune historikoarekin batera 1986an UNESCOk Gizateriaren Ondare izendatu zuen.

Historia[aldatu | aldatu iturburu kodea]

1226an bazen bertan eliza erromaniko bat eta haren gainean eraiki zuten San Frantzisko eliza 1475 eta 1550 artean. Nartexaren aurrean zazpi arku dituen arkada bat dago, arku bakoitza besteekiko desberdina delarik. Elizarako sarrera manueldar estiloan egina dago eta pelikano bat ikuzten da, Joanes II.aren eta Manuel I.aren ikur militarra.

XVI mendetik aurrera gehitu zitzaion aldare nagusia pizkundekoa da. Koroaren eskumako aldea ere garai hartakoa da eta ezkerraldea barrokoa da.

Egitura[aldatu | aldatu iturburu kodea]

Elizak 36x34x24 metrotako tamaina dauka. Habearte bakarra du eta horma eta zutabe zuriek zabaltasun handia ematen diote. Habeartearen alboetan 12 kapera daude, elizaren hormabularren artean kokatzen direnak.

Portugalgo antzerkiaren aita kontsideratzen den Gil Vicente bertan hobiratuta dago.

Hezurren kapera[aldatu | aldatu iturburu kodea]

San Frantzisko elizaren atariaren alboan kokaturik dagoen kapera txiki bitxia da. Izan ere kaperaren zutabe eta hormak giza garezurrez eta femur, tibia, sahites eta abarrez estalita daude. 18'7 metrotako luzera eta 11 metrotako zabalera dauka eta 5000 eskeletotik gora erabili zirela kalkulatu da.

Bi gorpu urkatu ere badaude, bata gizon helduarena eta bestea haurrarena.

XVI mendean eraiki zuen monje frantziskotar batek, bere kideei bizitzaren trantsiziotasunaz hausnar arazteko. Kaperaren sabaiak honako hau irakur daiteke: Melior est die mortis die nativitatis (Hobea da heriotza eguna jaiotza eguna baino).

Iruditegia[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: San Frantzisko eliza (Évora) Aldatu lotura Wikidatan