San Sebastián (itsasontzia)
| San Sebastián (itsasontzia) | |
|---|---|
| Jatorrizko herrialdea | Espainia |
| Ekoizpen-lekua | Pasaia |
| Historia | |
| Esleipena | 1783 |
| Uretaratzea | 1783ko maiatzaren 16a |
| Ship breaking | 1807ko abuztua |
| Kudeatzailea | Espainiako Itsas Armada eta Frantziako Itsas Armada |
San Sebastián bi bizkar[1] eta 74 kanoiko[2] lineako itsasontzia izan zen, izen bereko klaseko liderra, eta 1783an uretaratu zuten Espainiako Itsas Armadarentzat.[2] Britainiar estandarren arabera, hirugarren mailako itsasontzi gisa sailkatu zuten,[2] bi kanoi-bizkar zituena. 1799an Frantziako Itsas Armadari eman zionean, Premier Rang sailkatu zuten.[3]
Eraikuntza
[aldatu | aldatu iturburu kodea]Itsasontzia 1782 an enkargatu zuten Pasaian. 1783ko maitzaren 16an uretaratu zuten, eta urte berean sartu zen zerbitzuan. François Gautierren sistema frantsesaren arabera egin zuten, Vicente Pló itsas-arkitektoa zelarik. Fabrikazio-kostuak 4,7 milioi erreal kuarto izan ziren.[4][1]
Historia
[aldatu | aldatu iturburu kodea]1782ko abuztuaren 31n Francisco Mollinedo itsasontzi-kapitainak hartu zuen lineako itsasontziaren agintea.[2] 1784ko apirilaren 9an iritsi zen Ferroldik, San Fermin itsasontziarekin, Cádizera, eta maiatzaren 5ean abiatu zen Cartagenara, José Bustillo y Gómez itsasontziaren buru zela. Itsasontzia Antonio Barcelo teniente-jeneralaren eskuadran sartu zen Aljeriako gerra-espedizioan, Aljer hiria bonbardatu zutenean. 1785eko urtarrilean itsasontzia Cádizetik iritsi zen Ferrolera, eta erreserban jarri zuten. Itsasontzia mantentze-lanetan zegoen 1786an.[4]
1788ko ekainaren 26tik 30era bitartean, konparaketa-probak egin zituen itsasontziak, José de Córdova y Ramos eskuadra-buruak gainbegiratuta.[5] 1788ko apirilaz geroztik, itsasontzia jada Cadizen zegoen, Tomás Geraldino ontzi-kapitainaren agindupean, José de Córdova y Ramosek zuzendutako proba-eskuadraren ariketetan. Ontzira gatzgabetzeko makina bat eraman zuten, burdinez egindako sukalde moduko bat, haizagailua eta alanbikeak zituena. Itsasontzi-kapitainak berak diseinatutako asmakizunak inpresio ona eragin zuen, eta 1790eko urtarrilaren 8ko errege-agindu batek hobekuntza hori Itsas Armadan erabiltzeko agindu zuen, ahal zen neurrian.[1]
1790ean Cádizen zegoen oraindik, eta handik itsasontzia 1791ko maiatzaren 19an abiatu zen Ferrolera, Magnánimo eta San Fermínekin erreserban jartzeko. 1793an ontzia desarmatuta zegoen, Ferrolgo departamentuari atxikita eta Tomás Gayangos brigadierraren agindupean.[4]
1794ko otsailaren 12an, kapitain berria zen Rafael Mestre jaunaren agindupean, Cartagenako Arsenaletik Cadizera abiatu zen, José de Córdovaren flotan sartzeko. Irailean Cádizetik abiatu eta Mediterraneoko Espainiar Ontzidian sartu zen. Azaroan itzuli zen Cadizera, eta handik hilabete horretan bertan abiatu zen Ferrolen erreserban jartzeko.[4]
Basco Moralesen eskuadrari erantsita,[1] itsasontzia 1795eko otsailaren 1ean abiatu zen Cádizetik Juan de Lángararen flotan sartzeko, lehenik Rosesko golkoan eta ondoren Maón. Urte bereko urriaren 3an, José Agustín Olózoga ontzi-kapitainak gidatu zuen.[1] Azaroaren 6an Cartagenatik Cadizera abiatu zen, eta Francisco Paez fragata-kapitainaren agindupean egon zen.[1] Handik bi egunera iritsi zen ontzidian sartzeko. Abenduan itsasontzia egokitu egin zuten, eta kroskoa kobrez estali zioten. Hala ere, 1796ko urtarrilean erreserban jarri zuten Cádizko portuan.[4]
1797ko otsailean, José Ramón de Vargas y Vargas itsasontzi-kapitainaren agindupean Cádizko badian zegoela, Jose Mazarredoren eskuadran sartu zen.[1] 1798ko otsailaren 6an, itsasontzia Cádizetik abiatu zen gainerako ontziekin batera, Royal Navy britainiarraren itsasontzien atzetik. Ontzi horiek Cádizko sarbidea blokeatzen zuten aurreko urtetik.[4][1]
1799ko maiatzean, Frantziako Itsas Armadak itsasontzia erreklamatu zuen ordain gisa, Eustache Bruixen eskuadraren Revolution (lehen Censeur) itsasontziaren truke, ez baitzen egokia Cadizen defentsarako, egoera txarrean eta nabigatzeko ezinduta zegoelako. Espainiak, Frantziaren zuen aliantzak behartuta, itsasontzi operatibo bat ustelduta zegoen beste itsasontzi batetik entregatzea beste erremediorik ez zuen izan.[6] San Sebastián Frantziara transferitu zuten 1799ko maiatzaren 18an, eta Saint Sébastien izena hartu zuen aldi baterako. Ofizialki Alliance izena jaso zuen uztailaren 31n Bresten. 1807ko abuztuan, kroskoa korrosiok jota zegoela erabaki, eta, beraz, azkenean desegin zuten.[4][1]
Erreferentziak
[aldatu | aldatu iturburu kodea]- ↑ a b c d e f g h i (Gaztelaniaz) todoavante.es.
- ↑ a b c d (Ingelesez) «Spanish Third Rate ship of the line 'San Sebastián' (1783)» threedecks.org.
- ↑ (Ingelesez) «French Third Rate ship of the line 'L'Alliance' (1799)» threedecks.org.
- ↑ a b c d e f g Winfield et al. 2023, 154-155 orr. .
- ↑ Juan-García Aguado 2020, 86, 236 orr. .
- ↑ Fernández Duro 1902, 179 orr. .
Bibliografia
[aldatu | aldatu iturburu kodea]- (Gaztelaniaz) Fernández Duro, Cesáreo. (1902). Armada española (1789-1808). VIII Instituto de Historia y Cultura Naval.
- (Gaztelaniaz) Juan-García Aguado, José María de. (2020). José Romero Fernández de Landa: un ingeniero de marina en el siglo XVIII. Coruña: Universidad de La Coruña ISBN 978-84-9749-770-1..
- (Ingelesez) Winfield, Rif; Tredrea, John M; García-Torralba Pérez, Enrique; Blasco Felip, Manuel. (2023). Spanish Warships in the Age of Sail 1700—1860: Design, Construction, Careers and Fates. Barnsley: Seaforth Publishing ISBN 978-1-5267-9078-1..
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q124762839