Sant'Angelo gaztelua

Sant'Angelo gaztelua
	Castel Sant'Angelo
	eta Sant'Angelo gaztelua, izen bereko zubitik ikusia.; Irudi gehiago
Kokapena
Estatu burujabe	Italia
Eskualdea	Lazio
Italiako hiri metropolitarra	Erromako hiri metropolitarra
Italiako udalerri	Roma Capitale
Ur-masa	Tiber
Koordenatuak	41°54′11″N 12°27′59″E / 41.903044°N 12.466307°E
Historia eta erabilera
Eraikuntzaren hasiera	123
Inaugurazioa	1906
Jabea	Hadriano
Zuzendaria	Giovanni Battista Borghese (en)
Izenaren jatorria	Mikel goiaingerua
Arkitektura
Arkitektoa	Decriannus (en)
Ondarea
Bisitariak urtean	918.591
Kontaktua
Helbidea	Lungotevere Castello, 50 eta Лунготевере Кастело, 50
	Webgune ofiziala

Sant'Angelo gaztelua^[1] (italieraz: Castel Sant'Angelo; "Hadrianoren Mausoleoa" bezala ere ezaguna), Tiber ibaiaren eskuinaldeko ibarrean dagoen monumentu erromatar bat da, Pons Aelius zubiaren aurrean (gaur egun Sant'Angelo zubia), Vatikano hiritik gertu. Borgo rioneko eraikin aipagarriena da.

Historia[aldatu | aldatu iturburu kodea]

Hadriano enperadoreak hasia k.o. 135.ean bere eta bere familiaren mausoleoa izateko, Antonino Piok amaitu zuen 139. urtean. Monumentua, trabertinoan, Hadriano enperadoreak gidaturiko brontzezko koadriga batekin apaindua zegoen. Laster, eraikinak, bere erabilera aldatu zuen eta eraikin militar bihurtu zen. Aurelianoren Harresietara, 403. urtean bildu zen.

Gazteluaren gaur egungo izena, 590. urtetik dator, Erroma biziki kaltetu zuen izurri izurrite batean. Garai hartako Aita Santua, Gregorio I.a Handiak, San Mikel Goiaingerua ikusi zuen gazteluaren tontorrean, bere ezpata gordetzen zuena, izurritearen amaiera adieraziz. Agerkunde hori ospatzeko, aingeru baten estatua batek koroatzen du eraikina (lehenik Raffaello de Monteluporen haitzurdinezko estatua batek, eta, ondoren, 1753tik, Pierre van Verschaffelten brontzezko estatua bat Berniniren marrazki batean oinarritua).