Santutegi (eraikina)
- Artikulu hau eraikin erlijiosoari buruzkoa da; beste esanahietarako, ikus «Santutegi (argipena)».
Santutegia leku sakratua edo santua da, jainko, santu, heroi, martir edo beste pertsonaia sakratu edo mitologiko bati eskainitako toki edo eraikin sakratua. Maiz, santutegiak erromesaldien helmuga dira eta haietan izaki edo pertsonaia sakratu horren irudia edo erlikiak gordetzen dira, beti ere, gurtzen edo oroitzen den izakiari lotuak.[1]
Egungo munduko santutegi nagusiak Vatikano, katolikoei dagokienean, eta Meka, musulmanei dagokienean, dira. Katolikoentzat beste santutegi garrantzitsua Lurdako Amarena da.[2] Munduko erlijio askotan daude, hala nola kristautasunean, islamean, hinduismoan, budismoan, erlijio tradizional txinatarrean, sintoismoan, paganismo germaniarrean eta bahai fedean.
Santutegian tenplu bat egon daiteke eta boto-eskaintzak egiten diren aldare bat.
Euskal Herrian santutegi katolikoak
[aldatu | aldatu iturburu kodea]Hauek dira Euskal Herriko santutegi nagusiak:
- Done Mikel Aralarkoaren santutegia, Aralarko mendilerroan, Nafarroa Garaiko Uharte Arakil udalerrian
- Arantzazuko santutegia, Oñati, Gipuzkoa
- Loiolako Santutegia, Azpeitia, Gipuzkoa
- Urkiolako santutegia, Abadiño, Bizkaia
- Arteko Gure Amaren Santutegia, Artziniega, Araba
Euskal Herritik kanpoko santutegiak
[aldatu | aldatu iturburu kodea]Hona hemen Euskal Herriaz kanpoko zenbait santutegi ospetsu:
- Covadonga, Cangues d'Onís, Asturias, Espainia
- Reglako Andre Maria Birjinaren Santutegia, Chipiona, Cadiz, Andaluzia, Espainia
- Lurdako santutegia, Lurda, Pirinio Garaiak, Erdialdeko Pirinioak, Frantzia
- Guadalupeko Andre Mariaren Santutegia, Mexiko Hiria, Mexiko
Erreferentziak
[aldatu | aldatu iturburu kodea]- ↑ Shrine
- ↑ (Ingelesez) Sokolowski, Brice. (2023-04-05). «4 Famous Catholic Shrines Around the World You Should Visit» thenationalshrineofmarymotherofthechurch.com (kontsulta data: 2025-07-28).
