Sarah Kirsch

Wikipedia, Entziklopedia askea
Hona jauzi: nabigazioa, Bilatu
Sarah Kirsch
Bundesarchiv Bild 183-R0531-0325, Sarah Kirsch.jpg
Bizitza
Izen osoa Ingrid Bernstein
Jaiotza Limlingerode1935eko apirilaren 16a
Herrialdea  Alemania
 Alemaniako Errepublika Demokratikoa
Heriotza Heide2013ko maiatzaren 5a (78 urte)
Familia
Ezkontidea(k) Rainer Kirsch  (1960 -  1968)
Bikotea(k) Karl Mickel
Seme-alabak
Hezkuntza
Heziketa University of Halle-Wittenberg
German Institute for Literature
Hizkuntzak alemana
Lanbidea
Lanbidea poeta, idazlea eta haur literaturaren idazlea
Jasotako sariak
Kidetza Alemaniako hizkuntza eta literatura akademia
Genero artistikoa olerkigintza
Sinesmenak eta ideologia
Alderdi politikoa Alemaniako Alderdi Sozialista Batua
Sarah Kirsch Signature.jpg

Sarah Kirsch (Limlingerode, Harz, Alemania, 1935eko apirilaren 16a - Heide, Schleswig-Holstein, 2013ko maiatzaren 5a) alemanezko idazlea izan zen.

Bizitza[aldatu | aldatu iturburu kodea]

Batxiler-ikasketak bukatuta, azukre-fabrika batean lanean hasi zen, eta baso-ingeniaritzako eta biologiako ikasketak hasi zituen gero. 1963-1965 bitartean literatura-ikasketak egin zituen Leipzigen, eta berehala bere lehen literatura-lanak argitaratzen hasi zen.

Poeta gisa izan zen ezaguna, baina poesiaz gainera irratirako istorioak eta kontakizunak ere idatzi zituen, haurrentzat batez ere: Die ungeheuren bergehohen Wellen auf See (1973, Mendia bezain gorako itsas uhin handiak), Allerlei-Rauh (1988, Astalarrua), Das simple Leben (1994, Bizitza soila). Bere poesiaren musikaltasuna eta soiltasuna direla-eta, herri-poesiaren tradizioan sartu ohi da, baina baita Britting, Krolow eta Bachmann poeten ildoaren jarraitzaile gisa ere. Bere poema gehienak amodioa eta izadia dute mintzagai; ez da ordea poesia harmonikoa edo idilikoa, gatazka, beldur eta hausturez betea baizik. Bere obrak arrakasta handia izan zuen aleman hiztunen artean eta sari asko jaso zituen, Alemaniako Errepublika Demokratikoaren Heinrich Heine saria (1973), Europar Literaturako Petrarka Saria (1976) eta Konrad Adenauer Fundazioarena (1993), besteak beste.

Lan nagusiak[aldatu | aldatu iturburu kodea]

  • Landaufenthalt (1967, Egonaldia lehorrean)
  • Erdreich (1982, Lurreko inperioa)
  • Katzenleben (1984, Katu-bizitza)
  • Hundert Gedichte (1985, Ehun poema)
  • Schneewärme (1989, Elurraren beroa)
  • Erlkönigs Tochter (1992, Elfoen erregearen alaba)
  • Wasserbilder (1993, Ur irudiak).

Erreferentziak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Sarah Kirsch Aldatu lotura Wikidatan