Sareta

Beste esanahi batzuen berri izateko, ikus: «Sareta (argipena)»

Zurezko sareta edo zursarea.

Sareta burdinazko edo zurezko sare modukoa da, gehienetan leihoetan jartzen dena, eta kanpotik ikusia izan gabe barnetik kanpoa ikusteko balio duena. Mugikorra bada, pertsiana ere deitu ohi zaio; finkoa eta zurezkoa bada, berriz, zursarea.

Sareta funtzionala izan daiteke, adibidez, aire korrontea pasarazteko; egiturazkoa, habe handiagoak eta arinagoak egiteko; pribatutasuna hobetzeko erabilia; apaingarria; edo horien konbinazioren bat.

Arkitektura

Harrizko sareta islamiar eredu geometrikoekin, Amber gotorlekuko leiho batean.

Harrizko saretak ohikoak ziren arkitektura bisigotikoan eta asturiarrean. Motibo zelta eta germaniarrekin zizelkatuak zeuden, soka formako apaingarriekin eta arrosa leiho txikiekin.

Iztukuzko, zurezko eta harrizko saretak asko erabili ziren hispano-arabiar artean, fantasia geometrikoak edo kaligrafiak zituzten patroiei jarraituz. Islamiar arkitekturan, muxarrabia, "mašrabiya" (مشربية) edo "šanāšīl" (شناشيل) izenak hartzen ditu sareta artistiko mota horrek.

Indiako baliokidea "jali" edo "jaali" (gujaratiz: જાળી) da, hargintzaren eta artisautzaren arteko artea, non harlauzak aldean beste zulatuz lantzen diren.

Lorezaintzan maiz erabiltzen da landare igokarien euskarri gisa. Hormen gainean, itxituretan (hesietan), kioskoetan eta abarretan instalatzen da.

Kanpo estekak

• Datuak: Q1368562
• Multimedia: Latticework / Q1368562