Sarriguren

Wikipedia(e)tik
Hona jauzi: nabigazioa, Bilatu
Sarriguren
Eguesibar, Euskal Herria

Sarriguren (Egüés) 02.JPG

Sarrigurengo ikuspegia.
Kokapena
Herrialdea  Euskal Herria
Probintzia  Nafarroa Garaia
Udalerria Eguesibar
Koordenatuak 42° 48′ 46″ N, 1° 35′ 51″ W / 42.812777777778°N,1.5975°W / 42.812777777778; -1.5975Koordenatuak: 42° 48′ 46″ N, 1° 35′ 51″ W / 42.812777777778°N,1.5975°W / 42.812777777778; -1.5975
Sarriguren hemen kokatua: Euskal Herria
Sarriguren
Sarriguren
Sarriguren hemen kokatua: Nafarroa Garaia
Sarriguren
Sarriguren
Sarriguren hemen kokatua: Eguesibar
Sarriguren
Sarriguren
Sarriguren (Eguesibar)
Altuera 470 m.
Demografia
Biztanleria 13,108 (2014)

Sarriguren Eguesibarreko herria da. 2014ko urtarrilaren 1eko erroldaren arabera 13.108 biztanle ditu eta Iruñetik zortzi kilometrora dago.

Inguru naturala eta kokapena[aldatu | aldatu iturburu kodea]

Sarriguren Zangozako merindadeko Eguesibarreko kontzejua da, Iruñerriko gune metropolitarraren ekialdean kokatua. Sarriguren, Iruñerriko PA-30 ekialdeko-ingurabide autobidearen ekialdean eraikitako auzo berria da. 2008an Eguesibarreko udalan emandako datuen arabera, Sarriguren Gorraizko kontzejuaren biztanleria gainditu eta biztanle gehien dituen herria da guztira 3.560 biztanle zenbatuz[1].

Kontzejuak, Gorraitz eta Olatz Txipiarekin egiten du muga iparraldean, Ardanatzekin ekialdean, Badoztainekin hegoaldean, eta PA-30 autobidea eta Iruñeko Mendillorri auzoarekin mendebaldean. Mendillorri Eguesibarreko herria izan zen 1990eko hamarkadaren amaierara arte.

NA-2310 errepideak herria zeharkatzen du eta auzoaren iparraldean errekasto bat dago Sarrigurengo etxebizitza, parkea eta bulego eraikinen muga markatuz.


Historia[aldatu | aldatu iturburu kodea]

Sarrigurengo lurretan altzairu eta keramikazko erromatarren garaiko hainbat aztarna aurkitu dira. Elizaren jabetzako jaurerria Erdi Aroan, bertako biztanleek, Iruñeko apezpikuari ordaintzen zizkieten petxak. 1427an 31 gari kahizeko urteroko errenta ordaintzen zuten.

1835-1845eko udalerrien eraberritzea burutu aurretik, kontzejua ibarreko diputatuak eta herritarrek aukeraturiko erregidore batek zuzentzen zuten. XIX. mendeko dokumentuen arabera, garai hartan, Sarrigurengo haurrak Olazko eskolara joaten ziren.

Azken urteak[aldatu | aldatu iturburu kodea]

Sarrigurengo eko-hiria Nafarroako gobernuak Nasursa elkarte publikoaren bidez aurrera eramandako proiektua da. Egitasmoak, 4.200 etxebizitza eraikitzea aurrikusten zuen, Iruñerriko kanpoaldean, babes-ofizialeko eta tasaturiko etxebizitzak eraikiz. Gobernuaren asmoaren arabera, etxebizitzek irizpide bioklimatikoak jarraituta eraiki ziren, eta auzoak hainbat sari jaso ditu Garapen iraunkorraren alorrean Nazio Batuen baitan.

Etxebizitzak 2004. urtean hasi ziren eraikitzen eta bi fase izan ditu auzo berriak, lehen faseko 2.000 etxebizitzak 2006an hasi ziren jabeei entregatzen, eta bigarren faseko etxebizitzak 2008rako amaitzen hasi ziren.

Hirigintza[aldatu | aldatu iturburu kodea]

Garapen iraunkorra irizpide harturik, auzo berrian etorbide zabal eta luzeak nagusi dira, eta berdegune handiak. Iruñeko auzo berri askotan egin bezala, Mendillorri edo Barañainen esaterako, auzo berriak laku bat barne du. Etxebizitza eraikuntzen altuera 4-5 solairutakoa da, eta babes-ofizialeko etxebizitza eskaria handitzeko asmoarekin Nafarroako gobernuak 9 solairu arteko eraikinak altxatuko zituela esan zuen 2008ko maiatzean, auzoak duen zerbitzu eta denda gabezia ere agerian utziz.

2009 maiatzean Nafarroako gobernuak eta Eguesibarreko udaletxeak akordioa sinatu eta eraikiko ziren babes-ofizialeko etxebizitzen kopourua gutxitu zuten.

Trafikoaren arazoa[aldatu | aldatu iturburu kodea]

Auzoa eraiki zenetik, trafikoa da auzotarren arazo nagusia, izan ere Iruñerriko ekialdeko-saihesbidearen eta Mendillorri auzoaren artean Sarrigurenera sartzeko bide bakarra, auzoaren mendebaldean dagoen biribilgunea da.

Demografia[aldatu | aldatu iturburu kodea]

Biztanleriaren bilakaera 2000-2012
Eguneratua: 2016ko otsailaren 6a.[2]
Sarrigurengo biztanleria
2000 2001 2002 2003 2004 2005 2006 2007 2008 2009 2010 2011 2012 2014
10 10 10 10 8 5 78 1.627 3.584 5.088 8.556 10.389 11.524 13.108

Azpiegiturak eta garraioak[aldatu | aldatu iturburu kodea]

Garraio publikoari dagokionez, Iruñerriko Eskualdeko Hiri Garraioaren 18. lineak Sarriguren eta Iruñeko San Ignazio etorbideak elkartzen ditu 12 minutu maiztasunarekin astelehenetik ostiralera, 15 minutuko maiztasunarekin larunbatetan, eta 20 minutuoro igandetan.

Linea hau 2006ko maiatzaren 11n ezarri zuen autobus zerbitzua kudeatzen duen Iruñerriko Mankomunitateak auzo berrian bizi zen biztanleriaren garraio publiko beharrak asetzeko asmoarekin. Hasiera batean, autobusaren maiztasuna 20 minutukoa izan zen, eta Sarrigurengo bigarren faseko etxebizitzak entregatzen hasi zirenean, 12 minutura hobetu zen, 2008ko azaroaren 3an.

Bestalde, asteburuetan N10 gau lineak orduoro elkartzen ditu auzoa eta Iruñeko erdigunea.

Línea Ibilbidea Ordutegia Maiztasuna Oharrak
TUCPamplona18.GIF Zizur Nagusia urb. - Sarriguren 06:27 - 22:25 12´
TUCPamplona23.GIF Bianako Printzearen plaza - Sarriguren - Olloki 06:30 - 22:00 60´
TUCPamplonaN10.svg Nafarroako Gorteak - Sarriguren Gauez 60´

Ondarea[aldatu | aldatu iturburu kodea]

Antzinako eliza[aldatu | aldatu iturburu kodea]

Sakontzeko, irakurri: «Santa Engrazia baseliza (Sarriguren)»

Santa Engrazia eliza zaharra, XIII. mendeko eraikin erlijiosoen ezaugarriak ditu. Dena den, eraikinak estilo desberdinak nahastearen ondorio da, beharbada, elizaren eraikuntza XIV. mendera arte burutu ez zelako. Eliza estilo gotiko berantiarrean dago eraikia. Ebangelioaren aldean, egurrean margozturiko XVIII. mendeko armarria ageri da, eta bertan Erronkariko ibarraren armarriaren ezaugarriak ageri dira, Erronkarik duela mende askok Eguesibarrean izandako eraginaren adierazgarri.

Elizaren aurrealdeko erretaula Ramon Oskaritz, Pedro Altzo, eta Juan Landan eginiko jatorrizko erretaula pizkundetar baten ordezkoa da. Jatorrizko artelan hortatik Agate Deunaren egurrezko irudi margotua, eta eskultura txiki batzuk baino ez dira kontserbatzen. Eskultura horiek, erretaula nagusian ageri dira gaur egun, Ama Birjina haurrarekin, eta Santa Engraziaren irudien kasuan. Gainontzekoak sakristian daude.


Eliza berria[aldatu | aldatu iturburu kodea]

Sakontzeko, irakurri: «Santa Engrazia eliza (Sarriguren)»

2009ko irailaren 27an, urte eta erdiko lanen ondoren, Sarrigurengo Santa Engrazia eliza berria inauguratu zen. Bertan 350 bat pertsonek entzun zuten meza.


Aintzira[aldatu | aldatu iturburu kodea]

Udaletxea[aldatu | aldatu iturburu kodea]


Hauteskundeak[aldatu | aldatu iturburu kodea]

2011ko udal hauteskundeetako emaitzak[aldatu | aldatu iturburu kodea]

Sarriguren kontzejua
Alderdia Botoak Botoen %a Desb.
Nafarroa Bai 1.333  %28,56 4,88
UPN 931  %19,94 5,17
Bildu 811  %17,37 9,26
Izquierda-Ezkerra 690  %14,78 0,67
PSN 632  %13,54 3,35
PP 271  %5,81 -

2007ko udal hauteskundeetako emaitzak[aldatu | aldatu iturburu kodea]

Sarriguren kontzejua
Alderdia Botoak Botoen %a
Nafarroa Bai 301  %33,44
UPN 226  %25,11
PSN 152  %16,89
NEB 127  %14,11
EAE 73  %8,11
CDN 21  %2,33

Jaiak eta ospakizunak[aldatu | aldatu iturburu kodea]

Sarrigurengo kontzejuan etxebizitzak eraikitzen hasi aurretik herri erdi hustua zela eta, ez zen jairik ospatzen, baina biztanle berrien etorrerarekin batera, jaiak antolatzen hasi ziren 2005. urtean. Horrela, 2005ean jaiak irailean ospatu ziren. Ondorengo urteetan, jaiak aurreratu egin ziren, 2008an ekaineko bigarren hamabostaldian ospatuz.

Ikus, gainera[aldatu | aldatu iturburu kodea]

Erreferentziak[aldatu | aldatu iturburu kodea]

  1. Diario de Noticias egunkaria.
  2. (Gaztelaniaz)  INEren webgunea, http://www.ine.es/nomen2/index.do. Noiz kontsultatua: 2013-08-11 .

Kanpo loturak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Sarriguren
Portal.svg
Euskarazko Wikipedian bada atari bat, gai hau duena:
Nafarroa