Satyrium ilicis

Satyrium ilicis
Irudi gehiago
Sailkapen zientifikoa
Erreinua	Animalia
Filuma	Arthropoda
Klasea	Insecta
Ordena	Lepidoptera
Familia	Lycaenidae
Leinua	Eumaeini (en)
Generoa	Satyrium
Espeziea	Satyrium ilicis Esper, 1779
Datu orokorrak
Ostalaria	Haritz

Satyrium ilicis Lycaenidae familiako intsektu lepidoptero espezie bat da, Europa erdialdean eta hegoaldean eta Asia mendebaldera iristen dena, Ural mendilerrora eta Kaukason barrena Libanoraino.

Deskribapena

Tamaina ertaineko tximeleta da, 32-36 mm arteko hegal-zabalera duena. Tximeleta marroia da, emeek orbain laranjak izaten dituzte. Hegalen azpialdeak ere marroiak dira eta atzeko hegalen ertzean ilargi erdi itxurako puntu laranjak izaten ditu. Hegalen gainaldean eta azpialdean lerro zuri irregular bana ikusten da. Atzeko hegalek luzakin txiki batzuk dituzte. Normalean hegalak bilduta izaten ditu.

Tximeleta emea arra baino handiagoa izaten da.

Bizi zikloa

Belaunaldi bakarra ateratzen du urtean eta tximeleta heduak ekaina eta abuztua artean ikusten dira. Tximeleta emeak landareen adarretan edo kimuetan jartzen ditu arrautzak eta negua pasa ondoren beldar berde argia ateratzen da, 2 cm luze dena eta lodikotea.

Camponotus eta Crematogaster generotako inurriek zaintzen dituzte beldarrak harik eta pupa bihurtzen den arte. Pupa okrea da, puntu ilunak dituena, eta orbel artean egoten da. Udan tximeleta heldua jaioko da.

Habitata

Artadietan, hariztietan eta hauetatik gertu dauden soilgunetan ikusten dira 1.800 metrotako altueran gehienez ere.

Iruditegia

• 
  Satyrium ilicis.
• 
  Emearen gainaldearen eta azpialdearen marrazkia.
• 
  Irurria beldarra zaintzen.

Kanpo estekak

• Datuak: Q900973
• Multimedia: Satyrium ilicis / Q900973
• Espezieak: Satyrium ilicis