Serj Tankian

Serj Tankian
	; (2017) Irudi gehiago
Bizitza
Jaiotzako izen-deiturak	Didier Santiago Perez
Jaiotza	Libano, 1967ko abuztuaren 21a (55 urte)
Herrialdea	Ameriketako Estatu Batuak
Hezkuntza
Heziketa	Rose and Alex Pilibos Armenian School (en)
Hizkuntzak	ingelesa; armeniera; arabiera
Jarduerak
Jarduerak	abeslaria, poeta, saiakeragilea, kantugilea, piano-jotzailea, bakearen aldeko aktibista, teklatu-jotzailea, gitarra-jotzailea, baxu-jotzailea, kanta-idazlea, disko-ekoizlea, biolin-jotzailea eta ekintzaile ekologista
Jasotako sariak	ikusi Grammy Sariak ;
Kidetza	System of a Down
Genero artistikoa	rock alternatiboa; Nu metala; popa; opera; technoa
Ahots mota	lyric baritone (en)
Musika instrumentua	giltzadia; pianoa; gitarra; ahotsa; Samplerra; baxua; Theremina; aho-soinua; melodika
Diskoetxea	Serjical Strike Records (en) ; Reprise Records; American Recordings (en) ; Columbia Records; Axis of Justice (en)
	serjtankian.com

Serj Tankian (armenieraz: Սերժ Թանգեան, ˈsɛɾʒ tʰɑnˈkjɑn ahoskatua; Beirut, Libano, 1967ko abuztuaren 21a) artista, musikaria, abeslaria, konpositorea, musika-ekoizlea, filosofo aktibista, margolaria, idazlea, saiakera-idazlea, olerkaria, nobelagilea, aktorea eta System of a Down bandaren konpositorea eta kantari nagusia izateagatik ezagututa.

Bere karrera artistikoan zehar, Serjek System of a Down taldearen bost estudio-album argitaratu ditu. Bestalde, Arto Tunçboyaciyanekin batera, Serart izeneko albuma kaleratu du eta bakarlari gisa ere aritu da. 2001ean Serjical Strike Records disko-etxea sortu zuen.

Serj garai guztietako metal kantari onenen 26. postuan dago, Hit Parader deituriko aldizkari estatubatuarraren arabera.

Biografia[aldatu | aldatu iturburu kodea]

Lehen urteak[aldatu | aldatu iturburu kodea]

Serj armeniarren ondorengoa da eta Beirutean jaio zen, 1967ko abuztuaren 21ean. Zazpi urte zituela, bere gurasoekin Los Angelesera joan zen, Kaliforniara, 1975ko Libanoko Gerra Zibiletik ihesi. Bere gaztaroan, armeniar ikastetxe batera joan zen, Rose and Alex Pilibos Armenian School deiturikoa, Los Angelesen. Hor aritu ziren ikasten gerora System of a Down taldean kide izango zituenak ere; Daron Malakian eta Shavo Odadijian.

Goi mailako ikasketak burutzeko Tankian Kaliforniako Unibertsitate Estatalera, Northbridge Unibertsitatera joan zen. Han hasi zen musika tresnak jotzen eta abestiak idazten.

System of a Down[aldatu | aldatu iturburu kodea]

Serj Tankianek eta Daron Malakianek Soil deitutako banda bat eratu zuten, Tankian ahotsean eta teklatuan, Daron Malakian ahotsean eta gitarra liderrean, Dave Hakopyan baxua eta Domingo Laranio baterian izanda. Shavo Odadjian bandaren managerra zen eta azkenean haren parte izan zen. Laraniok eta Hakopyanek banda utzi zuten etorkizunik ez zuela sentitzen zutelako.

Soile taldea bereizi ondoren, Tankianek, Odadjianek eta Malakianek “System of a Down” taldea eratu zuten. Taldearen izena Malakian-ek idatzitako "Victims Of A Down" deitutako olerki batean oinarrituta zegoen. Jatorrizko bateria-jotzaileak, Andy Khachaturianek, banda utzi zuen lesio bategatik, eta bere lekuan John Dolmayan sartu zen. Urteetan zehar, System of a Downek bost album argitaratu zituen. Lehena, System of a Down, 1998ko ekainean. Bigarrena, Toxicity, 2001eko irailean. Hirugarrena, Steal This Album!, 2002ko azaroan. 2005ean bi disko argitaratu zituen taldeak, Mesmerize eta Hypnotize. Tankianek idatzi zituen System of a Downen kantu gehienak.

2006an, taldeak atseden nahiko luzea hartuko zuela iragarri zuen Malakianek, baina taldea bereizteko asmorik ez zela argituz. 2010eko azaroaren 29an, Interneteko hainbat zurrumurruen ondoren, System of a Downek ofizialki iragarri zuen Europako jaialdietan zehar joko zutela eta Ipar Amerikan ere kontzertuak eskainiko zituztela, Estatu Batuetan batez ere. Bandak bina kontzertu eman zituen Moskun eta Mexiko Hirian 2011ko ekainean.

Bakarka[aldatu | aldatu iturburu kodea]

2006an taldeak atsedenaldia iragarri ondotik hasi zen Tankian beste proiektuetan. 2007an Elect the dead kaleratu zuen, eta 2009an orkestra bertsioa grabatu zuen Aucklandeko Orkestra Filarmonikoarekin. Azken grabaketa hori Elect the dead Symphony izeneko albumean kaleratu zen. 2010ean plazaratu zuen bigarren bakarkako lana, Imperfect Harmonies izenpean.

2012an Harakiri albuma kaleratu zuen, eta 2013 hasieran Orca Symphony no.1 deituriko lana. Azken lan hori berezia da, sinfonia klasikoaren egitura baitu. Urte berean kaleratu zuen Jazz-Is-Christ, Tankianen bosgarren bakarkakoa. 15 kantuz osatua da, nahiz eta haren ahotsa lau kantutan soilik erabili zuen.

2019an Armeniako protestei buruzko dokumental batean parte hartu zuen, produktore gisa eta konposatzaile gisa (I am not alone).

Pentsakera[aldatu | aldatu iturburu kodea]

Animalien eskubideak eta ingurumena[aldatu | aldatu iturburu kodea]

Tankianek ingurumenaren eta animalien eskubideen aldeko jarrera adierazi du. Barazkijale bihurtu da eta hiltoki industrialen kontra borrokatzen du. PETAri eginiko elkarrizketa batean, “birak egitean hartzen dudan janari-zabor guztiagatik” aldatu zuela esan zuen eta instintiboa iruditu zitzaiola. Gainera, ”ama lurrari errespetua zor diot” adierazi zuen. 2009ko uztailean, PETA-ren petizioa sinatu zuen Kentucky Fried Chickeneko oilo-hiltokien kontra.