Sidney Reilly

Wikipedia, Entziklopedia askea
Hona jauzi: nabigazioa, Bilatu
Sidney Reilly
Bizitza
Jaiotza Kherson1873ko martxoaren 24a
Herrialdea  Errusiar Inperioa
 Erresuma Batua
Heriotza Mosku1925eko azaroaren 5a (52 urte)
Jarduerak
Jarduerak espioia
Enplegatzailea(k) Secret Inteligence Service
Jasotako sariak
Zerbitzu militarra
Adar militarra Britainia Handiko Armada
Gradua second lieutenant
IMDb ch0099530

Sidney George Reilly, jaiotzez Sigmund Rosenblum (Odesa edo Kherson, Errusiar Inperioa, 1873ko martxoaren 24a - Mosku, 1925eko azaroaren 5a) espioia izan zen, Erresuma Batuko Secret Inteligence Service-rentzat lan egin zuena. Harengan inspiratu omen zen Ian Fleming James Bond sortzeko[1].

Bizitza[aldatu | aldatu iturburu kodea]

Odesako familia judu batean sortu zen eta kimikako ikasketak egin zituen Vienan. Brasil aldera jo zuen gero eta Amazonian ingeles armadako ofizial batzuekin egon ondoren, Britainia Handiko espioi sarearekin harremanetan jarri zen (1896). Sidney George Reilly izen berria hartu zuen 1899an. Handik aurrera garrantzi handiko informazioak eman zizkien britainiarrei Errusiar Inperioko eta Pertsiako petrolio instalakuntzei buruz, eta Pertsiako petrolioaren ustiakuntzarako eskubideak lortu zituen britainiarrentzat. 1914an alemaniarren itsas armadari buruzko datu baliotsuak eman zizkien britainiarrei eta arrisku handiko eginkizunak bete zituen Alemanian. 1918an Moskura bidali zuten boltxebikeen gobernuaren kontra azpilanean jardutera, baina salatu zuten eta ihes egin behar izan zuen. Hainbat alditan sartu zen Errusian ondoren eta, azkenean, 1925ean preso hartu eta hil zuten.

Erreferentziak[aldatu | aldatu iturburu kodea]

  1.   Ian Fleming: Biography, imdb.com, http://www.imdb.com/name/nm0001220/bio. Noiz kontsultatua: 2017-1-26 .
Wikimedia Commonsen badira fitxategi gehiago, gai hau dutenak: Sidney Reilly Aldatu lotura Wikidatan