Skins (telesaila)

Wikipedia, Entziklopedia askea
Jump to navigation Jump to search
Skins (telesaila)
Skins.svg
Telesaila
Jatorrizko izena Skins
Generoa teen drama
telebista drama
Herrialdea Erresuma Batua
Jatorrizko hizkuntza ingeles
Iraupena 47 minutu
Narratibaren kokapena Bristol
Sasoi kopurua 7
Atalak 61
Zuzendaritza eta gidoia
Sortzailea Jamie Brittain
Gidoigilea(k) Jamie Brittain
Bryan Elsley
Antzezlea(k)
Ekoizpena
Ekoizlea Chris Clough
Produkzioa Company Pictures
Emanaldia
Jatorrizko igorlea E4
Hasiera-data 2007ko urtarrilaren 25a
Amaiera-data 2013ko abuztuaren 5a
Kanpo loturak
http://www.e4.com/skins


Skins Erresuma Batuko telebistako sail bat zen, 2007ko urtarrilaren 25ean ematen hasi eta 2013ko abuztuaren 5ean bukatu zena. Bristolen kokatzen da, non nerabe talde batek gazteen gai problematikoak esploratzen ditu: drogak eta alkohola, homofobia, obesitatea, trauma ondoko estresa, anorexia mentala, depresioa, autismoa, bullying... esaterako.

Hiru belaunaldietan banatuta dago, bakoitzak bi garaiez konposatuta. Lehenengoan, kapitulu bakoitza protagonista batean zentratzen da, publikoa pertsonaiak ondo ezagut dezaten.

Sinopsia[aldatu | aldatu iturburu kodea]

Oharra: Atal honek istorio osoa edo amaiera argitzen du.

Tony Stonem (Nicholas Houltek interpretatuta) mutil popularra eta erakargarria da, eta bereizten zaio bete izaera manipulatzaileagatik. Sid Jenkins (Mike Bailey) bere lagun hoberena da, baina guztiz kontrako nortasuna du, hau da, konfiantza falta du eta ez ditu harreman sozial askorik. Tonyren neska-laguna Michelle Richardson (April Pearson) deitzen da, kanpotik hutsala eta harroputza dirudiena baina, benetan, oso pertsona langilea da, frantsesean eta espainolean interesatuta eta emozionalki heldua.

Jal Fazer (Larissa Wilson) Michelleren lagun-mina da, klarinetea izugarri ondo jotzen du eta bere aita eta bi arrebekin bizi da.

Cassie Ainsworth (Hannah Murray) azken bi nesken laguna da eta nerbiozko anorexia sufritzen du, nahiz eta ezkutatu nahi. Chris Miles (Joe Dempsie) taldeko parrandazaleena da, eta drogengandik menpekotasuna du. Gainera, bere anaia hil egin zen herentziazko hemorragia subaraknoideo batengatik.

Maxxie Oliver (Mitch Hewer) aho batean gay da, eta dantzarako talentua du. Bere lagun hoberena, Anwar Kharral (Dev Patel) nahiko nortasun berezia du, eta bere pailazokeriengatik ezagutua da. Musulmana da, baina, bere erlijioa esaten duen ez bezala, ezkontza aurretik drogak edo alkohola kontsumitzea edota sexua izatea ez zaio inporta.