Sociedad Deportiva Tirán

Artikulu hau Tirán traineruari buruzkoa da; beste esanahietarako, ikus «Tiran (argipena)».

Sociedad Deportiva Tirán
Sorrera	1993
Herria	Tirán, Moaña, Pontevedra
Lehendakaria	Juan José Tenorio
Entrenatzailea	Benjamín Vázquez Pena
Patroia(k)	Agustín Fernández Souto
Kolorea(k)	urdina eta zuria
Trainerua	Mar do Con
Palmaresa	0 Kontxako Bandera 0 TKE Liga 2 Galiziako Liga 4 Espainiako Txapelketa 10 Galiziako Txapelketa
2023: Kontxa	ez
2023	3.a (Galiziako A Liga)
Webgunea	www.tiranpereira.com

Kontxako Bandera 2016.

Tirán 2018ko Kontxako sailkapen estropadan.

Sociedad Deportiva Tirán (euskaraz: Tirán Kirol Elkartea) Moaña udalerriko Tirán parrokiako (Pontevedra) arraun taldea da. TKE Ligan ibili izan da eta Espainiako Txapelketak irabazi izan ditu.

Uniformea

Txuri-urdinak dira bere koloreak eta 2012 denboraldian Balea izan zen Tiranen traineruaren izena. Gaur egun Mar do Con trainerua erabiltzen dute.

Historia

Klubaren sorrera

Tirán auzoak ohitura zuen arraun munduan, izan ere 1961ean Espainiako Traineruen Txapelketa lortu zuen. 1979tik aurrera, arraunketak berpizkundea izan zuen Galizia aldean eta auzoan Club de Remo San Juan de Tirán eta Nosa Señora Dos Remedios de Tirán elkarteak sortu zituzten. Elkarte biak Sociedad Deportiva Tiran elkartean batu ziren 1993an.

Aurreneko tituluak eta TKE Ligan

1996 eta 1997an, berriro Espainiako Traineruen Txapelketa lortu zuten eta 1996an Kontxako Banderan parte hartu eta bigarrenak izan ziren. Urte hauetan Galiziako ontzi handiena izan ziren, beren auzoko diren Meirakoei aurre hartuaz.

2003. urtean TKE Ligaren sortzaileak izan ziren, baina bigarren denboraldian Ipar-mendebaldeko Traineruen Ligara jeitsi ziren jeitsiera faseko estropadan helmugako balizan gaizki sartzeagatik. Urte eskas batzuk pasa ondoren 2007. urtean Galiziarren liga irabazi eta berriz TKE ligara igotzea lortu zuten. Ordutik bertan ari dira, eta urtetik urtera sailkapenean gora egin dute. 2012 denboraldian bikain aritu ziren, ligan laugarren eta Kontxako banderan hirugarren egin baitzuten.

2013ko denboraldirako tripulazioaren erdia aldatu zuten eta traineru irregularra izan zen. Hala ere TKE Ligan bosgarren postua lortu zuten eta honetaz gain bi bandera eskuratu dituzte. Denboraldia biribiltzeko hirugarren aldiz jarraian sailkatu ziren Kontxako Banderarako. Aipatzekoa ere bada Galizian nagusi izan zirela azken sei urtetatik Galiziako bost txapelketa irabazi dituztela.

2015ean berriz itzuli ziren Kontxara eta 2016an errepikatu zuten, bietan zazpigarren postuarekin konformatu behar izan zuten. 2016an ordea arraunlari batek positibo eman zuen estropada ondorengo kontrolean eta urtebete beranduago deskalifikatua izan zen. Ligan erdialdean ibili zen hurrengo urteetan, 2015ean zazpigarren, 2016an seigarren eta 2017an berriz ere zazpigarren. 2017an berriz ere Kontxan aritu zen, hamalaugarren aldiz.

Ziklo berri bat

2018 denboraldian taldea eraberritu zuen baina Ligan azken postuan gelditu eta maila galdu zuen. 2019an bigarrena izan zen Galiziako ligan eta 2020an garaipena lortu zuen Samertolameu auzokoarekin puntutan eta estropada kopurutan berdinduta. Ligako azken estropada irabazi izanak eman zion Ligako garaipena. Play-offetan TKE Ligara itzuli zen, urtebeterako ordea.

2023. urtean etxean antolatu zuen Espainiako Txapelketa eta irabaztear egon zen, Ares txapeldunak 18 ehunenekoren aldeaz garaitu baitzuen.

Palmaresa

Kontxako Bandera 2016.

Kontxako Bandera

• Txapelduna (0)
• Bigarrena (1): 1996.
• Hirugarrena (2): 2000 eta 2012.
• Sailkapen estropadako irabazlea (0)
• Sailkatua (14): 1996, 1997, 1998, 2000, 2001, 2004, 2007, 2008, 2011, 2012, 2013, 2015, 2016 eta 2017.

TKE Liga

• Txapelduna (0)
• Bigarrena (0)
• Hirugarrena (0)
• Laugarrena (1): 2012
• Irabazitako estropadak (2021 barne): 4
• Parte hartu (14): 2003, 2004, 2008, 2009, 2010, 2011, 2012, 2013, 2014, 2015, 2016, 2017, 2018, 2021
• Galiziako Traineruen Liga (2): 2007, 2020

Espainiako Traineru Txapelketa

• Txapelduna (4): 1996 eta 1997. Aurrez 1960 (Educación y Descanso de Moaña) eta 1961 (Educ. y Desc. Tirán).
• Bigarrena (4): 1998, 2000, 2001 eta 2010.

Galiziako Traineru Txapelketa

• Txapelduna (10): 1989 (Remedios), 1995, 1996, 1997, 2009, 2010, 2011, 2012, 2013 eta 2017.
• Hegoaldeko Galiziako Txapelketa (1979-1986) (1): 1983 (San Juan)

Galiziako Bandera handiak

• Generalisimoaren Kopa (A Coruña) (2): 1960 (Educación y Descanso de Moaña) eta 1961 (Educ. y Desc. Tirán).
• El Corte Inglés Bandera (Vigo) (6): 1983, 1984, 1996, 1997, 1998 eta 2000.
• Conde de Fenosa Bandera (8): 1983, 1988, 1995, 1996, 1997, 1998, 2000 eta 2001.
• Teresa Herrera Bandera (8): 1995, 1996, 1997, 1998, 2000, 2001, 2007 eta 2016.

TKE Ligako banderak

• Orioko Bandera (1): 2011.
• Flaviobriga Bandera (Castro Urdiales) (1): 2012.
• Ambilamp Bandera (Sestao) (1): 2013.
• Concello de Moaña Bandera (1): 2013.

Galiziatik kanporako beste banderak

• Getxoko Bandera (1): 1996.
• Donibane Lohitzuneko Bandera (4): 1998, 2000, 2001 eta 2002.
• Asturiasko Printzearen Bandera (2): 1998 eta 2007.
• Errioxako Bandera (1): 2001.
• S.D.R. Castro Urdialesen Bandera (1): 2008.

Trainerillak

• Espainiako Trainerilla Txapelketa (2): 1997 eta 1998.

Batelak

• Espainiako Batel Txapelketa (1): 2012

Azken denboraldiak

Urtea	Liga	Kontxa	Espainia
2003	TKE Liga, 10.a	-	-
2004	TKE Liga, 12.a	7.a	7.a
2005	Galiziako Liga, 4.a	-	7.a
2006	Galiziako Liga, 5.a	-	-
2007	Galiziako Liga, 1.a	7.a	7.a
2008	TKE Liga, 10.a	7.a	-
2009	TKE Liga, 9.a	-	6.a
2010	TKE Liga, 7.a	-	3.a
2011	TKE Liga, 5.a	7.a	5.a
2012	TKE Liga, 4.a	3.a	4.a
2013	TKE Liga, 5.a	6.a	3.a
2014	TKE Liga, 7.a	-	-
2015	TKE Liga, 7.a	7.a	-
2016	TKE Liga, 6.a	desk	-
2017	TKE Liga, 7.a	8.a	-
2018	TKE Liga, 12.a	-	-
2019	Galiziako A maila, 2.a	-	5.a
2020	Galiziako A maila, 1.a	-	-
2021	TKE Liga, 11.a	-	-
2022	Galiziako A maila, 3.a	-	-
2023	Galiziako A maila, 3.a		2.a

Emakumezkoen trainerua

Sociedad Deportiva Tirán
Entrenatzailea	David Serodio
Patroia(k)	Irene Del Río
Kolorea(k)	urdina eta zuria
Trainerua	Ruly
Palmaresa	0 Kontxako Bandera 0 Euskotren Liga 0 Galiziako Liga
2023: Kontxa	ez
2023	8.a (Euskotren Liga)

Tirango trainerua Zarautzen, 2023ko Euskotren Ligan.

2014an trainerua osatzea lortu eta Galiziako Ligan hirugarren postuan gelditu zen. 2015ean ez zuen trainerurik atera.

2019an berriz osatu du trainerua eta Galiziako Ligan ari da. Espainiako Txapelketan ere hartu zuen parte eta hirugarrena izan zen hiru traineruren artean. 2020an Galiziako Ligan Cabo da Cruzekin lehia estuan aritu zen eta estropada bat irabazi zuen. Bigarren amaitu zuen azkenean. 2022ko Ligan laugarren egin zuen arren, Chapelak (2.a) eta Mugardos-A Cabanak (3.a) Euskotren Ligari uko egin ziotenez, kupoengatik bera igo zen mailaz. Bi urtetan permanentzia bermaturik du.

Txapelketak

• Espainiako Txapelketa:
  • Hirugarrena (1): 2019.
• Galiziako Txapelketa:
  • Bigarrena (1): 2023
  • Hirugarrena (2): 2020, 2021

Emakumezkoen Traineru Liga

• Parte hartzeak (1): 2023.
• Galiziako Liga (0): bigarrena 2020an.

Banderak

• Concello Moaña (1): 2020.

Denboraldiak

Urtea	Liga	Galiziako tx.	Espainiako tx.
2014	Galiziako Liga, 3.a	-	-
2015- 2018	ez
2019	Galiziako Liga, 4.a	4.a	3.a
2020	Galiziako Liga, 2.a	3.a	-
2021	Galiziako Liga, 4.a	3.a	-
2022	Galiziako Liga, 4.a	5.a	-
2023	Emakumezkoen Liga, 8.a	2.a	-

Kanpo estekak

• Webgune ofiziala (Galizieraz)(Gaztelaniaz)

• Datuak: Q3066979
• Multimedia: Sociedad Deportiva Tirán / Q3066979