Sophie Blanchard

Sophie Blanchard
Irudi gehiago
Bizitza
Jaiotzako izen-deiturak	Marie Madeleine Sophie Armant
Jaiotza	Yves, 1778ko martxoaren 24a
Herrialdea	Frantzia
Heriotza	Paris, 1819ko uztailaren 6a (41 urte)
Hobiratze lekua	Père Lachaise hilerria Grave of Blanchard (en)
Heriotza modua	istripuzko heriotza: hegazkin-istripua
Familia
Ezkontidea(k)	Jean-Pierre Blanchard (en)
Hezkuntza
Hizkuntzak	frantsesa
Jarduerak
Jarduerak	aeronauta

Sophie Blanchard (Yves, Frantzia, 1778ko martxoaren 25a – Paris, Frantzia, 1819ko uztailaren 6a), eskuarki Madame Blanchard izenaz aipatua, eta bere ezkongabeko eta ezkondutako deituren hainbat konbinazioz ere ezaguna —besteak beste: Madeleine-Sophie Blanchard, Marie Madeleine-Sophie Blanchard, Marie Sophie Armant eta Madeleine-Sophie Armant Blanchard—, aeronauta izan zen. Blanchard izan zen globo pilotu profesionaltzat lan egin zuen lehen emakumea, eta globoaren aitzindari Jean-Pierre Blanchard bere senarraren heriotzaren ostean, 60tik gora hegaldi egin zituen. Globoarekin egin zituen balentriengatik Europa osoan famatuta, Blanchardek Napoleon Bonaparte entretenitu zuen, eta Napoleonek sustatu zuen Blanchardek André-Jacques Garnerin ordezkatzea jai ofizialetako aeronautaren rolean. 1814an monarkia berrezarri zenean, saio bat egin zuen Luis XVIII.arentzat, eta Luisek berrezarkuntzako aeronauta ofiziala izendatu zuen.

Marteren Zelaitik egindako igoaldia, 1810eko ekainaren 24an.

Globoan hegaldatzea jarduera arriskutsua izaten zen aitzindarientzat. Blanchardek konortea galdu zuen zenbait alditan, izozte tenperaturak jasan zituen, eta ia ito zen bere globoa paduretan erori zenean. 1819an, aireko istripu batean hil zen lehen emakumea izan zen, Parisko Tivoli lorategietan egindako erakusketa batean, bota zituen su artifizialek bere globoko gasa piztu baitzuten. Blancharden aireontziak etxe baten teilatua jo zuen, eta Blanchard erori eta hil zen.

Erreferentziak

• Datuak: Q241755
• Multimedia: Sophie Blanchard / Q241755