Sophie Gradon
| Sophie Gradon | |
|---|---|
.jpg) | |
| Bizitza | |
| Jaiotza | Newcastle upon Tyne, 1985eko urriaren 25a |
| Herrialdea |  Erresuma Batua |
| Heriotza | Ponteland, 2018ko ekainaren 20a (32 urte) |
| Heriotza modua | suizidioa |
| Hezkuntza | |
| Heziketa | Northumbria University (en)  Dame Allan's School (en) |
| Hizkuntzak | ingelesa |
| Jarduerak | |
| Jarduerak | modeloa |
  | |
Sophie Gradon (Newcastle upon Tyne, Ingalaterra, Erresuma Batua, 1985eko urriaren 25a – Ponteland, Ingalaterra, Erresuma Batua, 2018ko ekainaren 20a) britainiar modeloa izan zen, 2009an Miss Erresuma Batua irabazi zuena.[1] 2016an, Love Island realityaren bigarren denboraldian hartu zuen parte.[2]
Bizitza
[aldatu | aldatu iturburu kodea]Hezkuntza
[aldatu | aldatu iturburu kodea]Gradon Ingalaterrako Newcastle upon Tyne herrian jaio zen.[3] Dame Allan's School-en hezi zen, eta bertan osatu zuen GCE Advanced Levels. Northumbriako Unibertsitatean lortu zuen lizentziatura hedabideetan, kulturan eta gizartean.[1]
Ibilbidea
[aldatu | aldatu iturburu kodea]2008an, Gradonek Miss Newcastle titulua irabazi zuen.[4] 2009an, Britainia Handiko Miss titulua irabazi zuen.[5] Marketing zuzendari lanetan aritu zen Gradon.[6]
NE1 kanpainaren sustatzailea izan zen Newcastle hiriaren erdigunean, eta horren bidez ongintzazko erakundeetarako dirua batu zuen. Horrela, Gradonek arrakastaz eskatu zuen Calum Besten laguntza Great North Run-erako 2011n. Milaka libera batu ziren minbizia zuten haurrak Kretarako bidaia batera bidaltzeko. Chronicle Live hedabideak jakinarazi zuen Calumek ongintzazko erakunde hori babestea onartu zuela, Gradonek Sara's Hope Fundazioarentzat egindako lana ikusi ostean. 2011n, Sky Sports-en agertu zen Gradon, "The Great North Fitness Revolution" kanpainaren alde.[1]
Love Island saioko lehiakidea izan zen 2016an. Love Island telerrealitatean egon zen bitartean, Gradon Tom Powell zerbitzariarekin harremanetan hasi zen, Katie Salmon glamour modeloarekin parekatu aurretik, Love Island saioko sexu bereko lehen bikotea. 39. egunean saioa uztea erabaki zuen.[7]
2018an, sare sozialei eta sare horiek haurrengan zuten eraginari buruzko hitzaldi baten parte izan zen Gradon.[8]
Ziberjazarpena
[aldatu | aldatu iturburu kodea]2018ko martxoan Radio Airek egindako elkarrizketa batean, Gradonek Interneten ziberjazarpen eta troll bortitz baten biktima izan zela adierazi zuen. "Ikaragarria izan zen, hainbeste komentario jasotzen dituzunean milaka jarraitzailerengandik...".[9] Gaineratu zuen: "zale eta komentario positiboak daude, baina jendea negatiboetan zentratzen da. Batzuetan neuk bilatua nuen... Hainbeste komentario negatibo zeuden. Zure itxura, zure hitz egiteko modua komentatzen zuten. Zuri buruzko iritzi bat egiten zuten 45 minutuz ikusi zaituztenean telebista saio batean".[9]
Heriotza
[aldatu | aldatu iturburu kodea]Gradon 2018ko ekainaren 20an aurkitu zuten hilik, gurasoen etxean, Medburnen. 32 urte zituen.[10] Northumbriako Poliziaren bozeramaile batek jakinarazi zuenez, ez zirudien egoera susmagarririk zegoenik, eta hasiera batean ez zuten heriotzaren arrazoia argitu.[11] Funtzionarioek geroago deklaratu zuten heriotzaren arrazoia, segur aski, suizidioa izan zela, urkatuta.[12] Bere heriotzak hedabideen artean erantzuna eragin zuen, eta Miss Erresuma Batuko erakundeak eta Love Island saioko banaketako hainbat kidek doluminak adierazi zituzten.[8] Bere hileta 2018ko uztailaren 5ean egin zen.[13]
2019ko apirilean egindako ikerketa baten arabera, Gradonek bere buruaz beste egin zuen kokaina eta alkohola kontsumitu ostean.[14] Hil eta hogei egunera, Gradonen mutil-lagun zen Aaron Armstrongek ere bere buruaz beste egin zuen.[15]
Bizitza pribatua
[aldatu | aldatu iturburu kodea]2008an, Gary Linekerren anaia Wayne Linekerrekin izan zuen harremana. 2013an, Danny Cipriani errugbi jokalariarekin[6][16] eta 2016an, txostenek zioten Gradon "argi eta garbi bisexuala" zela.[17] Oso ezaguna zen Newcastleko eszena sozialean.[18]
Erreferentziak
[aldatu | aldatu iturburu kodea]- ↑ a b c Who is Sophie Gradon? Love Island star to Miss Newcastle. Chronicle Live.
- ↑ Former Love Island contestant Sophie Gradon dies aged 32. The Guardian.
- ↑ Love Island star Sophie Gradon's shock death stuns fans. The New Zealand Herald.
- ↑ The beautiful footage of Sophie Gradon modelling just weeks before tragic death. Chronicle Live.
- ↑ Love Island: Sophie finally reveals Miss Newcastle & Miss GB past. Chronicle Live.
- ↑ a b Love Island 2016: meet Sophie Gradon. Radio Times.
- ↑ Love Island's Sophie Gradon admits she 'faked it with Katie Salmon' to win. OK!.
- ↑ a b Love Island star Sophie Gradon dies. BBC.
- ↑ a b Sophie Gradon, 'Love Island' star and former Miss Great Britain, dead at 32. Fox News.
- ↑ Sophie Gradon dead: Love Island star dies aged 32. Daily Express.
- ↑ Late Love Island star Sophie Gradon posted heartbreaking tweet days before her death. The Independent.
- ↑ Reality star's boyfriend found dead – weeks after her suicide. New York Post.
- ↑ Former Love Island star Sophie Gradon laid to rest as boyfriend pays heartfelt tribute. Digital Spy.
- ↑ Love Island star killed herself after mixing drugs and alcohol, inquest finds. The Guardian.
- ↑ Boyfriend of Love Island star killed himself, coroner rules. The Guardian.
- ↑ Love Island 2016: Meet the contestants from Miss Great Britain to Danny Cipriani's ex-girlfriend. International Business Times.
- ↑ Is Sophie about to be part of Love Island's first same sex couple?. Chronicle Live.
- ↑ Newcastle rocked after losing its 'King and Queen' in three weeks. Chronicle Live.
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q25513887
Multimedia: Sophie Gradon / Q25513887