Stephen Athipozhiyil
| Stephen Athipozhiyil | |||
|---|---|---|---|
2001eko abenduaren 9a - 2019ko urriaren 11 ← Peter Michael Chenaparampil (en)  - James Raphael Anaparambil → Elizbarrutia: Alleppeyko elizbarrutia | |||
| Bizitza | |||
| Jaiotza | 1944ko maiatzaren 18a | ||
| Herrialdea |  India | ||
| Heriotza | 2022ko apirilaren 9a (77 urte) | ||
| Jarduerak | |||
| Jarduerak | apaiz katolikoa eta apezpiku katolikoa | ||
| Ideologia eta sinesmenak | |||
| Erlijioa | Erromatar Eliza Katolikoa | ||
Stephen Athipozhiyil (malabareraz: സ്റ്റീഫൻ അത്തിപ്പൊഴിയിൽ, Sṟṟīphan Attippeāḻiyil; Chennavely, Kerala, 1944ko maiatzaren 18a – Arthunkal, 2022ko apirilaren 9a) indiar elizgizon katolikoa izan zen. 2000tik 2001era Alleppeyko apezpiku lagunkidea izan zen eta 2001etik 2019ra elizbarruti bereko ordinarioa.[1]
Bizitza
[aldatu | aldatu iturburu kodea]Stephen Athipozhiyil Alleppeyko Jesusen Bihotz Guztiz Santuaren apaizgaitegi txikian sartu zen 1960an[2]. 1963tik 1969ra filosofia eta teologia katolikoa ikasi zituen Puneko pontifize-apaizgaitegian.[3] 1969ko urriaren 5ean apaiz-ordenazioa jaso zuen Alleppeyko Karmengo Ama Birjinaren katedralean, Alleppeyko orduko apezpiku Michael Arattukulamen eskutik.[4]
Hasieran Omanappuzhako parrokiako bikario gisa eta Alleppeyko Jesusen Bihotz Guztiz Santuaren apaizgaitegi txikiko prefektu eta diruzain gisa aritu zen, 1982an errektore bihurtu aurretik. 1982an Filosofiako masterra lortu zuen Keralako Unibertsitatean, Trivandrumen.[4] 1989tik 1998ra, irakasle, ikasketa prefektu eta fiskal izan zen Aluvako San Jose pontifize-apaizgaitegian. 1998az geroztik, Alleppeyko apaizgaitegi txikiko errektore gisa aritu zen berriz ere.[3] Alleppeyko elizbarrutiko Kontsultoreen Elkargoko kide ere izan zen, eta elizbarrutiko ongizate elkarteko zuzendari gisa jardun zuen.[4]
2000ko azaroaren 16an, Joan Paulo II.a aita santuak Alleppeyko apezpiku lagunkide izendatu zuen.[3] 2001eko otsailaren 11n apezpiku-ordenazioa jaso zuen Alleppeyko Karmengo Ama Birjinaren katedralean, Peter Michael Chenaparampilen eskutik, kontsakratzailekideak Maria Callist Soosa Pakiam eta John Thattumkal izanik.[1] Renewing of mind and body leloa hautatu zuen. 2001eko abenduaren 9an, Stephen Athipozhiyil Alleppeyko apezpiku bilakatu zen Peter Michael Chenaparampilen ordez.[5] Keralako apezpiku katolikoen kontseiluan, Justizia, Bakea eta Garapen Batzordeko kide izan zen. Kasta eta Tribu Gutxituen eta Beste Klase Atzeratuen Batzordeko buru eta Berritze Karismatikorako Batzordeko presidenteordea izan zen.[2]
2019ko urriaren 11n, Frantzisko aita santuak bere dimisioa onartu zuen.[6] Athipozhiyil 2022ko apirilaren 9an hil zen Arthunkaleko San Sebastian ospitalean, bihotzeko baten ondorioz, eta Alappuzhako Karmengo Ama Birjinaren ospitalean hobiratu zuten.[4]
Ondorengotza apostolikoa
[aldatu | aldatu iturburu kodea]- Scipione Rebiba kardinala
- Giulio Antonio Santorio kardinala (1566)
- Girolamo Bernerio kardinala (1586)
- Galeazzo Sanvitale artzapezpikua (1604)
- Ludovico Ludovisi kardinala (1621)
- Luigi Caetani kardinala (1622)
- Ulderico Carpegna kardinala (1630)
- Paluzzo Paluzzi Altieri Degli Albertoni kardinala (1666)
- Benedikto XIII.a aita santua (1675)
- Benedikto XIV.a aita santua (1724)
- Enrico Enríquez artzapezpikua (1743)
- Manuel Quintano Bonifaz artzapezpikua (1749)
- Buenaventura Fernández de Córdoba y Spínola kardinala (1761)
- Giuseppe Maria Doria Pamphilj kardinala (1773)
- Francesco Saverio Maria Felice Castiglioni kardinala (1800)
- Pio IX.a aita santua (1827)
- Alessandro Franchi kardinala (1856)
- Gaetano Aloisi Masella artzapezpikua (1877)
- José Sebastião d’Almeida Neto kardinala (1880)
- António José de Souza Barroso apezpikua (1891)
- Manuel Luís Coelho da Silva apezpikua (1915)
- Manuel Gonçalves Cerejeira kardinala (1928)
- Michael Arattukulam apezpikua (1952)
- Peter Michael Chenaparampil apezpikua (1983)
- Stephen Athipozhiyil apezpikua[1]
Erreferentziak
[aldatu | aldatu iturburu kodea]- 1 2 3 (Ingelesez) «Bishop Stephen Athipozhiyil †» Catholic Hierarchy (kontsulta data: 2025-11-25).
- 1 2 (Ingelesez) «Stephen Athipozhyil» UCA News (kontsulta data: 2025-11-25).
- 1 2 3 (Italieraz) «Nomina del Coadiutore di Alleppey (India)» Bollettino Sala Stampa della Santa Sede 2000-12-12 (kontsulta data: 2025-11-25).
- 1 2 3 4 (Ingelesez) Alathara, Stephen. «Bishop Stephen Athipozhiyil Passes Away» Conference of Catholic Bishops of India 2022-04-09 (kontsulta data: 2025-11-25).
- ↑ (Italieraz) «Rinuncia del Vescovo di Alleppey (India)» Bollettino Sala Stampa della Santa Sede 2001-12-10 (kontsulta data: 2025-11-25).
- ↑ (Italieraz) «Rinuncia e successione del Vescovo di Alleppey (India)» Bollettino Sala Stampa della Santa Sede 2019-10-11 (kontsulta data: 2025-11-25).
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q2344531