Superzelula

Wikipedia, Entziklopedia askea
Superzelula bat, Mexiko Berria.

Superzelula[1] errotazioan dagoen ekaitz izugarria da.[2] Hainbat ordu iraun dezake gertakari bakar gisa. Ia mundu osoan gertatzen dira, baina sarriago Ipar Amerikako Ordoki Handietan eta Argentinako Pampako lautadetan. Ekaitz horiek dira luzaroko tornadoak eta laranja baten tamainako txingor-puskak sortzeko joera dute.

Superzelulek ezegonkortasun handiko baldintzetan eta altuera handiko haize indartsuetan sortzeko joera dute. Gainera, barne-zirkulazioko sistema antolatuagoa dute, eta, ondorioz, beste ekaitz batzuek baino iraupen luzeagoa dute. Superzelulan ohikoa da korronte birakari indartsuak agertzea, eta, ondorioz, litekeena da ekaitz konbektibo mota arriskutsuena izatea. Haize gogorrak, txingor handiak eta iraupen luzeko tornadoak sor ditzakete ibilbide luze baten gainean.

Sailkapena[aldatu | aldatu iturburu kodea]

Superzelulez gain, ekaitzek beste zelula mota batzuk sor ditzakete:

  • Zelula sinplea: goranzko korronte indartsuko eremua (gutxienez 10 m/s), 10-100 kilometro koadroko sekzio horizontala duena eta troposferaren zati handienean zehar hedadura bertikala duena. Goranzko korronteko zelula bakoitzak prezipitazio-eremu bat du lotuta, radarrak erraz identifika dezakeena.
  • Multizelula: hainbat garapen-egoeratan dauden konbekzio-zelula sinple ugari. Muturreko klima, txingorra eta haize oso gogorrak izan ditzakete.

Erreferentziak[aldatu | aldatu iturburu kodea]

  1. Euskalterm: [Hiztegi terminologikoa] [2017]
  2. (Ingelesez) Glickman, Todd S., ed. Glossary of Meteorology. (2. argitaraldia) American Meteorological Society ISBN 978-1-878220-34-9..

Kanpo estekak[aldatu | aldatu iturburu kodea]


Meteorologia Artikulu hau meteorologiari buruzko zirriborroa da. Wikipedia lagun dezakezu edukia osatuz.