Susan Strasberg

Susan Strasberg
Irudi gehiago
Bizitza
Jaiotzako izen-deiturak	Susan Elizabeth Strasberg
Jaiotza	New York, 1938ko maiatzaren 22a
Herrialdea	Ameriketako Estatu Batuak
Lehen hizkuntza	ingelesa
Heriotza	New York, 1999ko urtarrilaren 21a (60 urte)
Heriotza modua	berezko heriotza: bularreko minbizia
Familia
Aita	Lee Strasberg
Ama	Paula Strasberg
Ezkontidea(k)	Christopher Jones  (1965 -  1968)
Anai-arrebak	ikusi John Strasberg
Hezkuntza
Heziketa	High School of Music & Art (en) Professional Children's School (en)
Hizkuntzak	ingelesa
Jarduerak
Jarduerak	aktorea, antzerki aktorea, telebista-aktorea, idazlea eta zinema aktorea
Jasotako sariak	ikusi Theatre World Award  (1956)

Susan Elizabeth Strasberg (New York, 1938ko maiatzaren 22a - ib., 1999ko urtarrilaren 21a) Susan Strasberg izen-deituraz ezagutua, estatubatuar aktorea izan zen.

Biografia

Haurtzaroa

Bere aita, Lee Strasberg antzerki zuzendaria eta interpretazio irakaslea zen, eta bere ama, Paula Strasberg antzezlea zen. Neba bat zeukan, John Strasberg, interpretazio irakaslea zena. Bere aita Ukraniarra zen eta bere ama New York hirikoa.

Strasberg Professional Children's schoolen ikasi zuen eta The High School Of Music and Arts eta High School Performing Arts eskoletan ere ikasi zuen.

The diary of Anne Frank

Hamazortzi urterekin, Picnic pelikulako interpretazio paregaberen ondoren, Susanek paper bat lortu zuen Broadwayko The diary of Anne Frank antzerkian eta Tony Sari baterako izendapena jaso zuen. Hainbat pelikuletan parte hartu zuen, besteak beste,Stage Struck (1958, Sidney Lumet) eta Morning Glory (1933, Katharine Hepburn).

Strasberg berriro agertu zen Broadwayko antzerki batean Time Remembered (1957-1958, Jean Anouilh-ek zuzendua) Richard Burton eta Helen Hayes aktoreekin batera.

1959an Caesar and Cleopatra pelikulan agertu zen Franchot Tone aktorearekin.

Atzerrian egonaldia

Strasbergek Kapò italiar filmean parte hartu zuen, Gillo Pontecorvoren zuzendaritzapean. Filma holokaustoari buruzko drama zen eta Oscarretarako izendatua izan zen, Atzerritar Pelikularik hoberenaren kategorian,1960an.

Geroago Ingalaterrara bidaiatu zuen eta Scream of Fear (1961), Hammer Films produkzio etxearen filman parte hartu zuen.

Estatu Batuetara itzulera

Strasberg Estatu Batuetara itzuli zenean Broadwayko The Lady of The Camellias ikuskizunean parte hartu zuen, 1963an. Antzezlan hura Franco Zeffirellik zuzendu zuen.

Strasberg telebistan ere aritu zen eta hainbat telesailetan parte hartu zuen; Dr Kildare, Bob Hope Presents the Chrysler Theatre, Breaking Point, Burkes's Law eta The Rogues, esaterako.

Telebista

1960 eta 1980 hamarkadako zenbait telesalietan gonbidatu gisa agertu zen Strasberg, besteak beste, The Virginian, The Invaders, Bonanza, The F.B.I, Burke's bank, The Streets of San Francisco, Night Gallery, Mc Cloud, Alias Smith and Jones, Remington Steele eta The Rocford Files.

Strasbergen azken paperak 1990an jokatu zituen, Schweiter filme biografikoan eta Prime Suspect ekintza filmean, azken hau Frank Stallone aktorearekin.

Liburuak

Laurence Olivier, Marilyn Monroe eta Susan Strasberg

Strasbergek bi liburu idatzi zituen: Bittersweet, 1981ean kaleraturiko autobiografia bat, Strasbergek Richard Burton eta Christopher Jones aktoreekin izaniko harremanak kontatzen zituena. Bigarren liburua 1992an kaleratu zuen eta hau ere biografikoa izan zen, Marilyn Monroe antzezlearekin izaniko harremana baitu aipagai. Liburuaren izenburua Marilyn and Me: Sisters, rivals, friends da.

Susan bere hirugarren liburua idazte ari zen hil zenean, Confessions of a New Age Heretic.

Heriotza

Susan Strasberg 1999ko urtarrilaren 21an hil zen, 60 urte zituela, bularreko minbizi batengatik. Bere gorpuzkia erraustu egin zuten.

Harremanak

Strasberg Christofer Jonesekin ezkondu zen 1965an baina 1968an banandu ziren. Harreman horretatik alaba bat sortu zen, Jennifer Robin (1966ko martxoaren 14an jaio zen, Los Angelesen).

Filmografia

• The Cobweb (1955)
• Picnic (1955)
• 1955 Motion Picture Theatre Celebration (1955)(film laburra)
• Stage Struck (1958)
• Kapó (1959)
• Taste of Fear (1961)
• The Shortest Day (1962)
• Disorder (1962)
• Hemingway's Adventures of a young Man (1962)
• The High bright sun (1964)
• The trip ( 1967)
• Psych-Out (1968)
• The name of the Game is Kill (1968)
• Chubasco (1968)
• The Brotherhood (1968)
• Sweet Hunters (1969)
• The Sister (1969)
• The other side of the wind (1972) (amaitu gabea)
• So Evil, My sister (1974)
• The legend of Hillibilly John (1974)
• The Stronger (1976) (film laburra)
• Sammy Somebody (1976)
• Rollercoaster (1977)
• The Manitou (1978)
• In Praise of Older Women (1978)
• Acting: Lee Strasberg and Actors Studio (1981) (dokumentala)
• Bloody birthday( 1981)
• The Returning (1983)
• Sweet 16 (1983)
• The Delta Force (1986)
• Remembering Marilyn (1987) (dokumentala)
• Marilyn Monroe: Beyond the Legend (1987) (dokumentala)
• The Runnin' Kind (1989)
• Prime Suspect (1989)
• Schweitzer (1990)
• The Cherry Orchard (1992)

Kanpo estekak

• Datuak: Q265706
• Multimedia: Susan Strasberg / Q265706