Tabakalera

Wikipedia, Entziklopedia askea
Jump to navigation Jump to search
Tabakalera
Tabakalerako logoa.jpg
Tabakalera 2015.jpg
Tabakaleraren ikuspegia
Kokapena
kokapenmapa
Helbidea Andre zigarrogileen plaza, 1
Koordenatuak 43° 19′ 00″ N, 1° 58′ 33″ W / 43.316583333333°N,1.9758333333333°W / 43.316583333333; -1.9758333333333Koordenatuak: 43° 19′ 00″ N, 1° 58′ 33″ W / 43.316583333333°N,1.9758333333333°W / 43.316583333333; -1.9758333333333
Historia eta erabilera
Irekiera2015
Jabea Donostiako udaletxea
Eusko Jaurlaritza
Gipuzkoako Foru Aldundia
Webgunea http://www.tabakalera.eu/
http://www.tabakalera.eu/

Tabakalera Gipuzkoako Donostia hiriburuan dagoen kultura garaikidearen nazioarteko gunea da. 1913-2003 artean tabako fabrika bat izan zen.

Izena[aldatu | aldatu iturburu kodea]

Tabako lantegia kudeatzen zuen enpresa espainiarrak Tabacalera izena zuen, eta hedaduraz, eraikinak berak hartu zuen enpresan izena ere. Donostiako Kultura Garaikidearen Nazioarteko Guneak berak Tabakalera esaten dio etxeari, K letrarekin, argitaratzen dituen idatzietan eta interneteko domeinuan (http://www.tabakalera.eu tabakalera.eu).

Eraikinean etxea duen kultur instituzioari Donostiako Kultura Garaikidearen Nazioarteko Zentroa deritzo, KGNZ. Gaztelaniaz, Centro Internacional de Cultura Contemporánea de San Sebastián esaten zaio eta CICC siglak erabiltzen ditu erakunde horrek.

Kokalekua[aldatu | aldatu iturburu kodea]

Egia auzoan dago, Mandasko Dukearen pasealekua amaitu eta Mundaizko kalea hasten den lekuan, Atotxako dorrea eta Kristinaenea parkearen artean. Eraikinaren atzealdea Iparraldeko geltokia eta trenbidera eta Donostiako autobus geltokia eta Urumea ibaiaren inguruko pasealekura begira dago.

Historia[aldatu | aldatu iturburu kodea]

Tabako fabrika[aldatu | aldatu iturburu kodea]

1913-2003 artean tabako fabrika bat izan zen. XX. mendean zehar, Donostia hiriguneko lantegi inportanteenetakoa izan zen Tabakalera, eta langile gehienak emakumeak izaki, bizitza sozialean garrantzi berebizikoa izan zuen.

Espainian tabako ekoizpena pribatizatu ondoren, Tabacalera enpresak izena aldatu zuen, Altadis izatera igaro zen, eta zortzi fabrika itxi zituen, horien artean Donostiakoa, 2003an. Urte bat geroago, Donostiako Udalak, Gipuzkoako Foru Aldundiak eta Eusko Jaurlaritzak erosi zuten eraikina. Erakunde hauen arteko akordio baten ondoren, kultura jardueretarako erabiltzea erabaki zuten, propio sortutako erakunde berri baten egoitza bilakatu da: Donostiako Kultura Garaikidearen Nazioarteko Gunea da orain Tabakaleraren funtzioa.

Tabakalera - Kultura Garaikidearen Nazioarteko Zentroa[aldatu | aldatu iturburu kodea]

Tabakalera kultura garaikideari eskainitako espazioa da. Jarduera programa zabala eskaintzen du eta, aldi berean, ekoizpen zentroa ere bada. Sorkuntza, ikuspuntu kritikoa lantzen duen hezkuntza programa eta erakusketak uztartzen ditu Tabakalerak.

Hainbat erakunde eta proiektuk dute egoitza Tabakalera eraikinean. Donostia Zinemaldia, Kutxa Fundazioa, Etxepare Institutua, Zineuskadi... Horiez gain, ekimen txiki pribatuak ere badira bertan.

Proiektua garatu bitartean eta eraikina eraberritzkeko lanak egin bitartean Tabakalerak erakusketak, zikloak, eztabaidak... antolatu zituen hainbat eragilerekin elkarlanean.

2007 urtean hasi zen Tabakalera bere programa garatzen. Urte horretan antolatu ziren, besteak beste, Free Electrons bideo arte-lanen erakusketa eta Summer Julian Schnabel margolariaren erakusketa handia.

2008an DAROS bildumako lanak erakutsi zituzten Ez da neutrala erakusketan eta Tabako fabrikaren historia gogoratu zuten Egiatik proiektuarekin.

2009an, Look Again bideoartea oinarri duen erakusketa eta eraikina berritzeko aurkeztutako lanak ikusgai ipini dituen erakusketa izan dira ikusgai. Gainera, Clermont-Ferrand film laburren nazioarteko jaialdiarekin elkarlanean LABO saila proiektatu zen Donostian bigarren urtez.

2010ean hasi ziren eraikina eginkizun berrietara moldatzeko lanak.

2015eko irailaren 11n ireki zituen ateak Tabakalera berrituak, kultura garaikidearen nazioarteko gune bilakatuta.

Tabakalera 2015eko irailean, zaharberritzearen ondoren


Oharrak[aldatu | aldatu iturburu kodea]


Ikus, gainera[aldatu | aldatu iturburu kodea]

Kanpo loturak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Tabakalera Aldatu lotura Wikidatan
Portal.svg
Euskarazko Wikipedian bada atari bat, gai hau duena:
Donostia