Tabladako guduaAljarafe eskualdean 844ko azaroaren 11n (230eko safarreko 25ean) izandako gudua izan zen, Kordobako Emirerria eta bikingoen artekoa.[1] Bikingoen talde batzuek kostaldea, Medina Sidonia eta Cádiz arpilatzen zituzten bitartean, armadaren zati handienak Guadalquivir igo zuen. Sevilla astebetez arpilatu eta gero, bikingoek Andaluzian barrena egin zuten. Orduan, Abd ar-Rahman II.a emirrak armada bat antolatu zuen bere lurraldeak defenditzeko. Arabiar kronikarien arabera, musulmanen garaipena erabakigarria izan zen. 30 itsasontzi erretzeaz gain, hogei mila preso hartu zituzten (kopurua neurriz gorakoa zen baina litekeena da mila edo bi mila izan).[2]
Gudu ostean ihesean zenbiltzaten eskandinaviarrek Niebla arpilatu zuten eta handik iparraldeko Afrikarantz jo zuten. Presoek emirraren guardia osatu zuten.
Datuak: Q5723004
