Tankredo Goiurikoa (Cotentineko jauna)

Tankredo Goiurikoa (Cotentineko jauna)
	; Irudi gehiago
Bizitza
Jaiotza	Coutances, 980
Heriotza	Hauteville-la-Guichard, 1041 (egutegi gregorianoa) (60/61 urte)
Familia
Ezkontidea(k)	Miruel of Hauteville (en) (1010 (egutegi gregorianoa) - ; Fressenda of Hauteville (en) (1025 (egutegi gregorianoa) -
Seme-alabak	ikusi Onofre Goiurikoa; Serlo I of Hauteville (en) ; Geoffrey of Hauteville (en) ; Drogo of Hauteville (en) ; Roger I.a Siziliakoa; Roberto Guiscard; Gilen Burdinezko Beso; Mauger of Hauteville (en) ; William of the Principate (en) ; Béatrice de Hauteville (en) ; Fredesenda de Hauteville (en) ; Humbert de Hauteville (en) ;
Leinua	Goiuriko etxea
Jarduerak

Tankredo Goiurikoa (latinez: Tancredus de Altavilla, frantsesez: Trancrède de Hauteville ; 980 – 1041) XI. mendeko garrantzi gutxiko normandiar noble bat izan zen. Bere garrantzi historikoa bere semeek eta ondorengoek egindakoengatik datorkio. Cotentinen jauna izan zen, Coutancesetik gertu dagoen eremua, gaur egungo Normandia Beherean.

Hainbat legenda daude Tankredoren inguruan, baina gehienek ez dute inongo oinarri historikorik. Goiuriko etxea sortu zuen eta, baliteke, Hiallten ondorengoa izatea, 920an jaiotako normandiar bat, behin Cotentinera iritsita Hialtus Villako herria sortu zuena. Hala izanez gero, Tankredo bere berriloba izango litzateke. Hala ere iturri gutxi daude Hiallt izeneko bikingo hau benetan bizi izan ote zen erakusten dutenak.

12 seme izan zituen bere bi emazteekin (baliteke biak Rikardo I.a Normandiakoaren alabak izatea) eta ezagutzen ez dugun alaba kopuru bat. Bere seme gehienek, Cotentinek eman zezakeen diru eta botere eskasa zela eta, Italiako hegoaldera bidaiatu zuten, bertan Apulia eta Calabriako kondeak bilakatuz eta familiaren adar batek Siziliako erresuma sortuz, bere konkistaren ondotik.

Ondorengoak[aldatu | aldatu iturburu kodea]

Bere lehen emazte Muriellarekin bost seme izan zituen eta, gutxienez, alaba bat:

Serlo (Normandian geratu zen)
Beatrix (? - 1101), lehenengo Armand Mortaingoa eta ondoren Rogerrekin ezkondu zen.
Godofredo, Goiuriko jauna, Loritelloko kondea
Gilen Burdin Beso, Apuliako kondea
Drogo, Apuliako kondea
Onofre, Apuliako kondea

Bere bigarren emazten Fredesendarekin beste zazpi seme izan zituen eta, gutxienez, alaba bat:

Roberto Guiscard, Apuliako kondea (1057), eta ondoren Apuliako eta Siziliako dukea
Mauger, Catapanatako kondea
Gilen, Printzipatoko kondea
Alberiko edo Albaredo, Alveredus latinez, batzuetan Alfredo edo Alvred gisa ere deitua, Normandian geratu zena.
Humberto, Normandian geratu zena.
Tankredo, Normandian geratu zena
Roger I.a Siziliakoa, Siziliako kondea 1062tik.
Fressenda, Rikardo I.a Capuakoarekin ezkondu zena, Aversako kondea eta Capuako printzipea.