Tar-Minastir

Tar-Minastir, "Goardiaren dorrea" esan nahi duena quenya hizkuntzan, Tolkienen legendariumeko fikziozko pertsonaia bat da. Dunadan bat da, Isilmoren seme nagusia, Eguzkiaren Bigarren Aroko 1474. urtean jaioa Numenorren.

Bere izebak, Tar-Telperiën erreginak, ezkontzeari uko egin zion, eta, seme-alabarik izan gabe hil zenez 1731n, zetrua, Tar-Minastirrentzat izan zen, Numenorreko hamaikagarren errege bihurtu zena. Izen hau, Orometeko muinoaren gainean, Anduniëko portutik gertu dorre altu bat eraiki zuelako hartu zuen, eta han ematen zuen denbora asko, mendebaldea begiratzen.

Garai honetan, Sauronek Eregioneko elfoak engainatu zituen, eta gainontzeko eraztunak kontrolatzeko eraztun bakarra egin zuen. Erdialdeko Lurraldea erabat kontrolatzeko nahiarekin, Sauronek, bere erasoa Eriadorretik jarraitu zuen, eta Gil-galadek, Numenorri laguntza eskatu behar izan zion. Erantzun bezala, Tar-Minastirrek, flota handi bat bidali zuen Lindonera, Gil-galadi laguntzera, eta, azkenik, Sauron garaitu eta Eriadorretik kanporatu zuten.

Eranskinen arabera, Tar-Minastirrek, Eldarrak maite zituen, baina, aldi berean, bekaitza zien, azken hauen hilezkortasuna zela eta. Hau izan zen Sauronen itzalaren lehen zantzua Numenorren, baina argi eta garbi, bere semeagan agertu zen.

Minastirren semea, Eguzkiaren Bigarren Aroko 1634an jaio zen, eta Tar-Ziriatan izena eman zion. Hala ere, honen izaera, bere aitarenaren ezberdina zen, eta, esaten denez, zetrua, behar baino lehenago ematera behartu zuen, Tar-Minastir, hiru urte beranduago hil zen arren, Eguzkiaren Bigarren Aroko 1873an.

Aurrekoa Tar-Telperiën

Numenorreko erregea Eguzkiaren Bigarren Aroko 1731-1869

Ondorengoa Tar-Ziriatan