Tate

Tate
Datuak
Mota	copyright collective (en) , sarbide irekiko argitaletxea eta museo sarea
Herrialdea	Erresuma Batua
Jarduera
Kidetza	Digital Preservation Coalition
Eskumendekoak	Tate Britain (en) , Tate Liverpool (en) , Tate Modern eta Tate St Ives (en)
Agintea
Egoitza nagusi	Millbank, London SW1P 4RG; Tate Britain;
Osatuta	Tate Archive (en) ; Tate Britain (en) ; Tate Liverpool (en) ; 1988 - ; Tate St Ives (en) ; 1993 - ; Tate Modern ; 2000 -
Zeren jabe	Autumnal Cannibalism (en) , A Bigger Splash (en) , Gauekoa: urdin eta zilarra – Chelsea, Farms near Auvers (en) , Abstract Composition (en) , Related Forms (en) , Marilyn Diptyque (en) , 10pm Saturday (en) , Mr and Mrs Clark and Percy (en) , Quattro Stagioni: Primavera (en) , 1943-45 (St Ives, Cornwall) (en) , Seashore with Boats (en) , Harbour Window with Two Figures : St Ives : July 1950 (en) , Pencerrig (en) , Snow Storm: Steam-Boat off a Harbour's Mouth (en) , Ophelia (en) , The Awakening Conscience (en) , The Doctor (en) , Swan Upping at Cookham (en) , The Elephant Celebes (en) , Pietà or Revolution by Night (en) , Composition with Red, Yellow and Blue (en) , Child with a Water-Melon (en) , Portrait Group (en) , Man Woman (en) , Cadmium with Violet, Scarlet, Emerald, Lemon and Venetian : 1969 (en) , Dry Creek Bed, Werribee Gorge I (en) , Black Sea (en) , Half-Brother (Exit to Nowhere - Machiavellian) (en) , Honeymoon Nude (en) , River Scene: Sunset (en) , The Bowl of Milk (en) , Interior at Gordon Square (en) , The Back Series (en) , The Snail (en) , Head of a Woman (en) , Mandola (en) , The Three Dancers (en) , Head of a Catalan Peasant (en) , Composition (en) , Man with a Newspaper (en) , Unique Forms of Continuity in Space (en) , Number 14 (en) , Whaam! (en) , Fountain (en) , The Circle of the Lustful: Paolo and Francesca (en) , The Six-Footed Serpent Attacking Agnolo Brunelleschi (en) , Job and His Family (en) , Satan Smiting Job with Sore Boils (en) , Behemoth and Leviathan (en) eta Study of a Standing Woman for ‘The Passing of Venus’ (en)
Historia
Sorrera	1897
Sortzailea	Sir Henry Tate (en)
	webgune ofiziala;

Tate da Ingalaterrako Arte Britainiarraren eta arte modernoaren Galeria Nazionalaren izena. Berez, lau museoen sarea da: Tate Britain (1897an irekita, lehen Tate Gallery izena zuen), Tate Liverpool (1988), Tate St. Ives (1993) eta Tate Modern (2000). Multzo guztiaren webgune ofiziala Tate Online da, 1998an sortua. Tate erakundea estatukoa da, eta, horregatik, gobernu britainiarraren altxor publikoaren zuzkidura jasotzen du. Zuzendari kargua zazpi urterako da.

Historia

Jatorrizko Tate arte-galeriari ofizialki National Gallery of British Art deitu zitzaion, eta Millbanken zegoen, Pimlicon (Londres), lehen Millbankeko espetxea zegoen lekuan. Britainiar Artearen Galeria Nazionalaren ideia 1820ko hamarkadan proposatu zuen lehen aldiz sir John Leicester, Tableyko baroiak, baina denbora behar izan zuen errealitate izateko. Ondoren, Robert Vernonek 1847an eman zion bere bilduma Londresko National Galleryri, eta hamarkada bat geroago, John Sheepshanksek berea eman zion South Kensingtongo Museoari, gaur egun Victoria and Albert Museum izenarekin ezagutzen dena. Bi kasuetan, obrak museo orokorragoetan sartzen ziren, eta, beraz, arte britainiarrera berariaz bideratutako zentro baten proiektua egiteke zegoen oraindik.

Berrogei urte geroago, Henry Tatek, negozio-gizona eta arte-bildumagilea, bere burua eskaini zuen britainiar arteari aterpe emateko galeria bat sortzeko: eraikin handi bat eraiki zuen eta bere bilduma bertan ere utzi zuen. Hasieran museoa garaiko arte britainiarrera mugatu zen, Victoriar Ingalaterrako margolariengan zentratuz, baina gero Paul Cezanne eta Pablo Picasso bezalako egileen arte modernoa gehituz joan zen. 1954ra arte, museoa National Galleryren menpe egon zen.

Urteekin, bilduma handituz joan zen dohaintza eta legatu gehiagoei esker. 1930eko hamarkadan Europako abangoardien adibideak batu zituen, baina gerraostean arte kontserbadoreago baterantz jo zuen. 1950eko eta 60ko hamarkadetan, arterik ausartenarekiko interesa berreskuratu zuen erakundeak, eta Britainia Handiko Arte Kontseiluko ikusizko arteen sailak aldi baterako erakusketak sortu eta antolatu zituen Taten, esaterako, 1966an Marcel Duchampen atzera begirakoa.

Museoak espazio arazoak zituen eta aldizka bere erakusketa iraunkorra txandakatu behar zuen; beraz, logikoa zen bildumaren alderdi "britainiarra" eta "modernoa" bereiztea. Gaur egun, Londresko eraikin bereizietan daude: Tate Modernek, Tamesis ibaiaren hegoaldeko ertzean, arte modernoaren bilduma nazionala erakusten du, 1900etik gaur egunera arte, eta jatorrizko galeria (gaur egun Tate Britain deitua) arte britainiarraren galeria nazionala da, 1500etik gaur arte. Britainiar arte modernoa bi galerietan aurki daiteke. Tate Modern zentroa sir Nicholas Serota zuzendariaren arrakastatzat jotzen da. Bere lehen urtean, munduko museorik bisitatuena izan zen, 5.000 bisitarirekin.^[1]

1998an Tateren webgune ofiziala sortu zen, orain Tate lau galeriei buruzko informazioa ematen duena: Tate Britain, Tate St Ives, Tate Liverpool eta Tate Modern.

Turner Saria

Sakontzeko, irakurri: «Turner Saria»

Turner Saria, (ingelesez: Turner Prize) Erresuma Batuan urtero ospatzen den arte-gertakizuna da. Urte bakoitzean saria 50 urte baino gutxiago duen artista britaniarra ematen zaio. Dena dela, 2017an adinaren muga hori kengu egin zen. Sarritan, aukeratutako lanak oso polemikoak gertatu dira. ^[2]

Zuzendariak

Tateko zuzendariak (lehen Britainiar Artearen Galeria Nazionala eta Tate Gallery) gaur egun Zuzendaria du izenburu. 1917ra arte, Zaindari esaten zioten (Keeper).^[3]