Tentudíako monasterioa

Tentudíako monasterioa
	Kultura ondasuna
	Irudi gehiago
Kokapena
Estatu burujabe	Espainia
Autonomia	Extremadura
Probintzia	Badajozko probintzia
Udalerria	Calera de León
Koordenatuak	38°03′15″N 6°20′19″W / 38.054167°N 6.338547°W
Historia eta erabilera
Irekiera	XIII. mendea
Arkitektura
Estiloa	Mudejar artea
Ondarea
BIC	RI-51-0000402

Tentudíako monasterioa Badajozko probintzian Calera de León herrian dagoen XIII. mendeko eliza-gotorlekua da. Askoren iritziz Espainiako Mudejar arteaaren adibide garrantzitsuenetariko bat da. 1931tik kultura-ondasunaren izendapena du.^[1] Jatorrizko baseliza Done Jakueren Ordenaren Pelay Pérez Correak eraiki zuen. XVI. mendetik monasterioaren kategoria du.

Eraikina

Monumentuan bi alde azpimarratuko ditugu: klaustroa eta eliza.

Eliza

Elizak aldaketa asko ezagutu ditu. Gaur egun habearte bakarra du, kanoi gangaz estalia. Elizaren burua eta alboetako kaperak gehiago errespetatu ziren; kapera hauek zabalak dira eyta ertz gangak dituzte, tronpen gainean eraikiak. Kapera horietan Done Jakueren Ordenaren maistruak lurperatuta daude. Garrantzi handia du presbiterioan ikusten den azulejuzko erretaula, Francisco Niculoso Pisano artista ospetsuak egina. Erretaula hori 1518an enkargatu zen, Tentudíako gudua gogorarazteko.

Klaustroa

XVI. mendeko hasieran elizari atxiki zitzaion klaustro txiki hau. Bere estiloa mudejar da, ladreiluz egina, erdiko uraska batekin eta bi solairutan antolatuta.