Teodoro Hernandorena

Wikipedia, Entziklopedia askea
Jump to navigation Jump to search
Teodoro Hernandorena
Bizitza
Jaiotza Zizurkil1898ko abenduaren  6a
Herrialdea  Gipuzkoa, Euskal Herria
Heriotza Donibane Lohizune1994ko azaroaren  9a (95 urte)
Jarduerak
Jarduerak politikaria

Teodoro Godofredo Hernandorena Barandiaran (Zizurkil, 1898ko abenduaren 6a - Donibane Lohizune, 1994ko azaroaren 9a) euskal herritar politikari eta kulturgilea izan zen.

Biografia[aldatu | aldatu iturburu kodea]

Zizurkilen jaioa 1898an, familian gaztelaniaz hitz egiten zuten eta kalean ikasi zuen euskaraz mintzatzen. Zaragozara medikuntza ikastera joan zenean piztu zitzaion euskaldun izatearen kontzientzia eta Basurtuko Ospitalean lanean hasi zenean murgildu zen giro abertzalean. EAJko Euzko Gaztedin izena eman eta handik lasterrera Gipuzko Buru Batzarreko lehendakari izendatu zuten[1]. Mitinlari modura ere nabarmendu zen. Lan politikoarekin batera kultur sustatzaile ere aritu zen 1936ko Gerra aurreko urteetan. Gipuzkoako Abesbatza sortu zuen eta Jesus Guridiren Amaya opera Bartzelonan errepresentatzea lortu zuen. Joseba Zubimendirekin batera euskarazko lehen irratsaioa egin zuen eta buru-belarri sartuta ibili zen Euskaltzaleak, Eusko Pizkunde edo Euzko Nekazarien Bazkuna erakundeen sorreran ere. Berea da euskal abertzaletasunak propagandarako grabatutako lehen film luzea, Euzkadi izenekoa, 1933an Donostian estreinatua. Tamalez, Gerra Zibilean Bilbo erori zenean frankistek kopia bakarra erre zuten[2].

1936ko Gerraren ondoren Bidasoaz bestaldera joan zen bizitzera. Iparraldean ere kulturgintzan jarraitu zuen eta lan handia egin zuen bertsolaritzaren sustapenean. Bera izan zen, besteak beste, Martin Treku Mattin eta Ferdinand Aire Xalbador bertsolariak plazara atera zituena. Hori dela-eta urtero-urtero antolatzen da bertsolari gazteentzako Hernandorena Saria. Hernandorena 1994an hil zen Donibane Lohizunen.

Erreferentziak[aldatu | aldatu iturburu kodea]

  1.   Apaolaza, Urko (2008-05-25) «Ipar-Hego lokarria» Argia (2138) .
  2.   Euskadiko Filmategia Teodoro Ernandorena .

Kanpo loturak[aldatu | aldatu iturburu kodea]


Biografia
Gipuzkoa
Artikulu hau Gipuzkoako biografia baten zirriborroa da. Wikipedia lagun dezakezu edukia osatuz.