Thaxterogaster barbatus

Thaxterogaster barbatus
Sailkapen zientifikoa
Erreinua	Fungi
Klasea	Agaricomycetes
Ordena	Agaricales
Familia	Cortinariaceae
Generoa	Thaxterogaster
Espeziea	Thaxterogaster barbatus Niskanen & Liimat., 2022
Basionimoa	Agaricus barbatus

Thaxterogaster barbatus Cortinariaceae familiako onddo espezie bat da.

Sinonimoak: Agaricus barbatus (Basionimoa), Elenchus fungorum, Hypophyllum lacteum, Cortinarius crystallinus, Myxacium barbatum, Gomphos crystallinus, Cortinarius emollitus, Cortinarius barbatus.

Deskribapena

Kapela: 5 eta 7 cm bitarteko diametrokoa, lau-ganbila pixka bat titiduna, krema-boli kolorekoa, okre zurbil samarreko kolorekoa erdigunean, kolore bereko berezko fibrila finekin eta ertz zurixkarekin. Gortina lirdingatsu banangarriarekin eta garratzarekin.

Orriak: Marjinatuak, okre-arrexka zurbil kolorekoak.

Hanka: 7 eta 8 cm bitarteko garaierakoa eta 1 eta 1,5 cm bitarteko diametrokoa, zilindrikoa eta liraina, pixka bat klabiformea eta azpi-radikantea, ia fusiformea, Lehorrean ildaska fin batzuk ditu eta zetazko itxura ematen diote. Barrubetea gero barnehutsa. Zurixka edo lasto kolore arin batekoa.

Haragia: Urria, garratza, lasto kolorekoa oinean.

Etimologia: Crystallinus epitetoa latinetik dator, kristalezkoa, esan nahi duen ”crystallinus” hitzetik. Bere itxuragatik.

Jangarritasuna

Ez da jangarria.

Nahasketa arriskua

Antzekoa den Cortinarius emollitus baino dotoreagoa eta lirainagoa da.

Sasoia eta lekua

Hostozabaletan, pagoetan. Baita baso mistoetan ere.

Banaketa eremua

Alpeak, Austria‎, Danimarka‎, Norvegia‎, Suedia‎, Estonia‎, Espainia‎, Frantzia, Italia‎, Erresuma Batua, Belgika‎, Herbehereak‎, Alemania‎‎, Polonia‎, Errumania‎, Pirinioak.

Kanpo estekak

• Datuak: Q130542365