The Cosby Show

The Cosby Show
Jatorria
Sortzailea(k)	Ed. Weinberger (en) , Michael J. Leeson (en) eta Bill Cosby
Izenburua	The Cosby Show
Jatorrizko hizkuntza	ingelesa
Jatorrizko herrialdea	Ameriketako Estatu Batuak
Sasoi kopurua	8
Atalak	201
Banatze bidea	eskatu ahalako bideo
Ezaugarriak
Genero artistikoa	komedia
Iraupena	24 minutu
Antzezlea(k)
	Bill Cosby ; Phylicia Rashād ; Sabrina Le Beauf (en) ; Geoffrey Owens ; Lisa Bonet ; Malcolm-Jamal Warner ; Tempestt Bledsoe (en) ; Raven-Symoné ; Keshia Knight Pulliam ; Erika Alexander ; Joseph C. Phillips
Ekoizpena
Konpainia ekoizlea	The Carsey-Werner Company (en)
Ekoizle eragilea	Marcy Carsey (en) ; Bernie Kukoff (en) ; Tom Werner (en) ; Janet Leahy (en)
Emanaldia
Jatorrizko igorlea	NBC
Hasiera-data	1984ko irailaren 20a
Amaiera-data	1992ko apirilaren 30a
Fikzioa
Kontakizunaren tokia	New York
	carseywerner.net…

The Cosby Show Bill Cosby estatubatuar aktore eta umorista protagonista zen Sitcom telesail bat izan zen. 1984ko irailaren 20a eta 1992ko apirilaren 30a bitartean NBC telebista katean aireratu zen. Bertan, New York hiriko Brooklyn auzoan bizi zen Huxtable erdi-goi mailako afroamerikar familiaren eguneroko bizitza umorez kontatzen zen.

Pertsonaiak[aldatu | aldatu iturburu kodea]

Heathcliff "Cliff" Huxtable (Bill Cosby): Huxtable familiako aita. Lanbidez ginekologoa. Beti jantziak daramatzan jertse ikusgarriengantik nabarmentzen da.
Clair Olivia Hanks-Huxtable (Phylicia Rashād): Cliffen emaztea, Huxtable familiako ama. Lanbidez abokatua.
Sondra Huxtable-Tibideaux (Sabrina LeBeauf): familiako alaba nagusia. Lehenbiziko denboraldietan Princetongo Unibertsitatean ikasten ari zen. 4. denboraldian Elvinekin ezkondu eta bi seme biki dituzte: Winnie eta Nelson.
Elvin Tibideaux (Geoffrey Owens) (2-8. denboraldiak): medikuntza ikaslea. Sondraren mutil-laguna eta gerora haren senarra eta bi semeen aita.
Denise Huxtable-Kendall (Lisa Bonet) (1-7. denboraldiak): Cliff eta Clairren alaba. Hillmann Unibertsitatera ikastera joan baina urte batera ikasketak laga eta Afrikara lanera doa. Itzultzean Martinekin ezkondua dago. Azken denboraldian bere senarrarekin Txinan bizi dao.
Martin Kendall (Joseph C. Phillips) (6-8 denboraldiak): itsas armadako tenientea, Denisekin ezkondu ondoren familian agertzen da. Aurreko ezkontza batetik banandua dago eta hartatik alaba bat du: Olivia.
Theodore Aloysius "Theo" Huxtable (Malcolm-Jamal Warner): familiako seme ertaina eta bakarra. Solairu batera bizitzera joan arte bere gurasoekin bizi da. Bere ikasketetako emaitza txarrak dislexia duelako dela jakiten da.
Vanessa Huxtable (Tempestt Bledsoe): Huxtable familiako laugarren alaba. Azken denboraldietan unibertsitatera ikastera joan eta gizon helduago baten emaztegaia bilakatzen da, nahiz eta ezkon du ez.
Rudith Lillian "Rudy" Huxtable (Keshia Knight Pulliam): Cliff eta Clairen alaba txiki eta gazteena. Hasieran sei urte besterik ez zituen, eta denboraldiak iragan hala handituz doa.
Olivia Kendall (Raven-Symoné) (6-8. denboraldiak): Denisen alabaordea. Huxtabledarren etxera iristean berehala integratzen da, bere gurasoak bidaiatzen ari diren bitartean Cliffekin denbora ugari igarotzen duelarik.
Pam Tucker (Erika Alexander) (7-8. denboraldiak): Clairen lehengusua, azken denboraldietan Huxtabledarren etxean bizitzen jartzen da. Huxtable familiaren auzoa bezain aberatsa ez den auzo batetik dator.
James Theodore Huxtable: ustez zazpi urterekin hil zen Cliffen anaia. 5. denboraldiko 13. atalean harekin mintzatzen da.