The Texas Chain Saw Massacre

The Texas Chain Saw Massacre
Jatorria
Argitaratze-data	1974
Izenburua	The Texas Chain Saw Massacre
Jatorrizko hizkuntza	ingelesa
Jatorrizko herrialdea	Ameriketako Estatu Batuak
Banatze bidea	eskatu ahalako bideo
Ezaugarriak
Genero artistikoa	beldurrezko zinema, Exploitation filma eta Slasherra
Iraupena	83 minutu
Kolorea	koloretakoa
Telesaila	The Texas Chainsaw Massacre (en)
Zuzendaritza eta gidoia
Zuzendaria(k)	Tobe Hooper
Gidoigilea(k)	Tobe Hooper; Kim Henkel
Antzezlea(k)
	Marilyn Burns (Sally Hardesty (en) ); Edwin Neal (en) ; Gunnar Hansen (en) ; Paul A. Partain ; Jim Siedow ; Allen Danziger ; William Vail ; Teri McMinn ; John Dugan ; John Larroquette ; John Henry Faulk (en)
Ekoizpena
Ekoizlea	Kim Henkel; Tobe Hooper
Bestelako lanak
Musikagilea	Tobe Hooper
Argazki-zuzendaria	Daniel Pearl
Fikzioa
Kontakizunaren tokia	Texas
Argumentu nagusia	serieko hiltzailea
	thetexaschainsawmassacre.com
kronologia

The Texas Chain Saw Massacre (euskaraz Texasko Sarraskia) 1974ko Tobe Hooper estatubatuar zinema zuzendariaren beldurrezko filma bat da. Marilyn Burns, Paul A. Partain, Edwin Neal, Jim Siedow, Gunnar Hansen eta Teri McMinn aktoreek antzeztu zuten, narratzailea John Larroquette izan zen.

Beldurrezko zinemako filma ospetsuenetakoa da, filma honetako Leatherface ("Larruzko-aurpegi", Gunnar Hansen) motozerra eta larruzko mozorrodun hiltzailea ikur ezagun bilakatu zelarik.

Argumentua[aldatu | aldatu iturburu kodea]

Oharra: Atal honek istorio osoa edo amaiera argitzen du.

1970eko hamarkada, AEB. Inongo kezkarik gabeko bost gaztek minibus batean Texasen barna bidaiatuz doaz: Sally (Marilyn Burns), bere anaia elbarritua den Franklin (Paul A. Partain), Jerry (Allen Danziger), Kirk (William Vail) eta Pam (Teri McMinn). Bapatean, autostopa egitez jaso duten etxegabea (Edwin Neal) ikusirik lurralde arrotz eta giro txarreko batean sartu direla ohartu dira, gizon hura obsesio hilkorrak dituen gizaseme bizioduna eta bitxia baita, denbora gutxian pertsonaia desatsegin eta mehatxagarria suertatuko zaielarik. Bost adiskideek hartaz ihes egitea lortuko dute. Handik gutxira, gasolindegi batean gelditu eta minibusari gasolina botatzera doazenean bertan gasolinarik ez dagoela jabetuko dira. Hortaz, inguruan dagoen Sally eta Franklinen haurtzaroko etxera zuzenduko dira. Kirk eta Pam bainatzera doazen unean, inguruko baserri isolatu eta zahar bat ikusi eta bertaratzea erabakiko dute, han mozorrodun harakin bat (Gunnar Hansen) agertu eta biak sarraskituko ditu. Jerry Kirk eta Pamen bila joan eta patu bera izango du. Hortaz, gauea iristear dagoela bi lagun besterik ez dira bizirik egongo. Erasoaldi baten ondoren Franklin hil eta amesgaizto beldurgarriena gauzatuko da, bizirik gelditzen den azken kidea den Sallyk (Marilyn Burns) Sawertarren eskutik jazo litekeen gehiegikeriazko erokeria handiena zer den jakingo baitu...