Thema (Bizantziar probintzia)

Anatoliako Thema sistema, K.o 950 urte inguruan.

Themak edo Thémata pluralean (singularrean: θέμα, théma) Bizantziar Inperio Ertaineko banaketa militar eta administratibo nagusiak izan ziren. VII. mendearen erdialdean ezarri ziren, eslaviarrek Europa hego-ekialdera egindako migrazioen eta musulmanengan galdutako ekialdeko lurren ondorioz erreforma beharrezkoa baitzen, eta Dioklezianok eta Konstantino Handiak ezarritako sistema probintziala ordezkatu zuten. Hasieran, Ekialdeko Erromako gudarosteen kanpamendu eremuetatik sortu ziren lehen Themak, eta haien izenak inguru haietan izan ziren unitate militarrei zegozkien (hala nola Opsikion edo Buzelariarra). Thema sistemaren goren unea IX. eta X. mendeetan iritsi zen, thema zaharren banaketak eta lurralde berrien konkistak gehiago sortzea ekarri baitzuen. Jatorrizko thema sistemak aldaketa handiak jasan zituen XI. eta XII. mendeetan, baina nolabaitean probintziako eta finantzetako izendapen gisa erabiltzen jarraitu zen Inperioaren amaierara arte.

Kanpo estekak

• Datuak: Q379817