Tomàs Garcés

Wikipedia, Entziklopedia askea
Hona jauzi: nabigazioa, Bilatu
Tomàs Garcés
Bizitza
Jaiotza Bartzelona1901eko urriaren 9a
Herrialdea  Espainia
Heriotza Bartzelona1993ko azaroaren 16a (92 urte)
Familia
Seme-alabak
Hezkuntza
Heziketa Bartzelonako Unibertsitatea
Hizkuntzak katalana
gaztelania
Jarduerak
Jarduerak poeta, idazlea, legelaria eta abokatua
Jasotako sariak
Genero artistikoa olerkigintza

Tomàs Garcés i Miravet (Bartzelona, Katalunia, 1901eko urriaren 9a - 1993ko azaroaren 16a) katalan olerkari eta kazetaria izan zen.

Biografia[aldatu | aldatu iturburu kodea]

Legeak ikasi zituen arren, kazetaritzan eta literaturan jardun zuen buru-belarri.

Kazetaritzari dagokionez, hainbat aldizkari eta argitaldarirentzat lan egin zuen, adibidez, La Publicitat, Revista de Catalunya eta Serra d'Or. Halaber, Quaderns de Poesiaren sortzaile izan zen. 1922. urtean Vint cançons (Hogei abesti), Juan Ramón Jiménezen eragina nabarmen agertzen duen obra, eman zuen argitara. Joera horri berari jarraituz idatziak dira, orobat, L'ombra del lledoner, 1924; El Somni (1927, Ametsa), Paradís (1931, Paradisua) eta El senyal (1935, Seinalea). Geroagoko obretan aipagarriak ditu Viatge d'octubre (1955, Urriko bidaia), Quaderns de la Selva (1962, Oihaneko liburuak, hitz lauz idatzitako obra) eta Plec de poemes (1972, Poema bilduma).

Bestalde, kritika literarioko liburuak eta saiakerak ere idatzi zituen, esaterako Paisatges i lectures (1926, Paisaiak eta irakurgaiak), Notes sobre poesia (1933, Poesiari buruzko oharrak) eta Sobre Salvat-Papasseit y otros escritos (1972, Salvat-Papasseiti buruz eta beste zenbait idatzi).

Erreferentziak[aldatu | aldatu iturburu kodea]