Tomás Caballero

Wikipedia, Entziklopedia askea
Tomás Caballero
Escudo de Pamplona (Líneas estilizadas).svg
Iruñeko alkate

1976 - 1979
Javier Erice - Q64875664 Itzuli
Bizitza
Jaiotza Alfaro1935eko otsailaren 25a
Herrialdea  Espainia
Heriotza Nafarroa Garaia1998ko maiatzaren 6a (63 urte)
Heriotza modua giza hilketa
Hiltzailea Euskadi Ta Askatasuna
Familia
Seme-alabak
Hezkuntza
Hizkuntzak gaztelania
Jarduerak
Jarduerak politikaria
Jasotako sariak
Sinesmenak eta ideologia
Alderdi politikoa Nafar Herriaren Batasuna

Tomás Caballero Pastor (Alfaro, 1935eko otsailaren 25a - Iruñea, 1998ko maiatzaren 6a) politikari nafarra izan zen. Frankismo garaian Sindikatu Bertikalean aritu zen. 1976-1977an Iruñeako alkatea izan zen. 1995tik Udaletxera itzuli zen, UPNren zerrendetan. 1998an ETA erakundeak tiroz hil zuen.[1][2] Atentatuak eztabaida eta erantzun oso gogorrak eragin zituen. Bere bost seme-alaben artean, hiru, Tomas Caballero Martínez, Maria Caballero eta Xabier Caballero, politikan aritzen dira.[3]

Biografia[aldatu | aldatu iturburu kodea]

Tomas Caballero Alfaro herrian kasualitatez jaio zen, gurasoak Tuterakoak baitziren. Ikasketa beka bati esker Iruñean ikasi zuen, jesuiten ikastetxean. Ordurako erlijioak garrantzi handi zuen haren bizitzan. 1957an Fuerzas Eléctricas de Navarran (Fensa) lantegian hasi zen lan egiten. Ordu libreetan topografo gisa espezializatzeko hasi zen ikasten, bestetik. 1964an Ura, Gas eta Elektrizitatearen Sindikatuko presidente hautatu zuten eta Nafarroako Langileen Kontseiluko presidente izendatu zuten; 1971n berriro hautatu zuten. Urte haietan Nafarrokoa Sindikatu Bertikalean sail kritikoenetariko bat zen. 1970etik 1978ra Iruñeko Udaleko zinegotzia izan zen. 1974an Iruñeko Merindadeko udalek Eskualde Kontseiluko kide aukeratu zuten eta, 1977an, behin-behineko nafar hiriburuko alkatea izan zen. Politikan alderdi desberdinekin aritu zen, lehen Frente Navarro Independientearekin, eta, 1986an, Partido Reformista Democráticoarekin, arrakasta izan gabe. Bitartean sindikatuko lanean jarraitu zuen. 1984tik 1994ra Iruñeko Oberena Kirol Elkartearen buru izan zen. Idazle gisa, Nafarroako hainbat egunkari eta aldizkaritan kolaboratu zuen. 1995ean, UPNren zerrendetan independente gisa Iruñeko Udaleko zinegotzi aukeratu zuten. 1996an, Santiago Cerverak postua utzi zuenean, bere udal taldeko bozeramaile izendatu zuten. ETAk hil zuen 1998ko maiatzaren 6an.

Tomás Caballero ezkonduta zegoen eta bost seme-alaba izan zituen. Emaztea Pilar Martínez Oroz zen, 2020an hila.[4]

Erreferentziak[aldatu | aldatu iturburu kodea]

Kanpo estekak[aldatu | aldatu iturburu kodea]