Tradizionalismo katoliko
- Artikulu hau Eliza Katolikoaren barruko joerari buruzkoa da; beste esanahietarako, ikus «Tradizionalismo».
Tradizionalismoa tradizioaren zaletasuna, ohiturazko politika eta erlijio moldeei eutsi behar zaiela aldarrikatzen duen doktrina da.
Tradizionalismo katoliko Frantzian XIX. mendearen hasieran sortu zen joera filosofikoa izan zen, entziklopedisten eta Frantziako Iraultzaren ideiei kontra egin eta arrazoiari eta aurrerakuntzari uko egiten ziena. Tradizionalismoaren ustez, Jainkoak lehen gizonari egindako agerpena da egiaren eta ontasunaren oinarri bakarra; Elizak eta monarkiak, tradizionalismoarentzat hutsezinak diren bi erakunde bakarrek, tradizio bidez zabaldu izan dute agerpen hori eta hortik at dagoen guztia gizonak bere kabuz egindako hutsak besterik ez dira, jatorrizko bekatuak gizonaren ahalmena mugatzen baitu. Tradizionalismoak absolutismoa eta obedientzia goraipatzen ditu. Bonald, Maistre, Lamennais, Bautain, Bonnety izan ziren tradizionalista ezagunenak.
Erreferentziak[aldatu | aldatu iturburu kodea]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2015-3-28 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Ikus, gainera[aldatu | aldatu iturburu kodea]
Kanpo estekak[aldatu | aldatu iturburu kodea]
| Autoritate kontrola |
|
|---|
Datuak: Q199993
Multimedia: Catholic traditionalism