Ardagai konkordun

Wikipedia, Entziklopedia askea
Trametes gibbosa» orritik birbideratua)
Ardagai konkorduna
Sailkapen zientifikoa
ErreinuaFungi
KlaseaAgaricomycetes
OrdenaPolyporales
FamiliaPolyporaceae
GeneroaTrametes
Espeziea Trametes gibbosa
Fr., 1838

Ardagai konkorduna (Trametes gibbosa) Polyporaceae familiako onddo xilofago bat da. Ia urte osoan agertzen da hostozabalen basoetan, enbor eta motzondoetan. Hilda dagoen egurrean sortzen da. Espezie arrunta.[1]

Deskribapena[aldatu | aldatu iturburu kodea]

Kapela: 8 eta 20 cm arteko diametrokoa, zirkuluerdi formakoa, lau-konkorduna, sakonera txikiko ildo zentrokideekin; zuria edo zurixka, krema edo grisaxka kolorekoa, askotan berdea erdian, kolore hau bertan sortzen zaion algek ematen diote. Gainazalean ilupa du, ertza mehea.

Himenioa: 5 eta 10 (15) mm-ko tutu luzeak, zurixkak. Lerro erradialetan orientatutako poroak, angelutsuak edo angeluzuzenak, lehenengo zuriak gero kremak.

Hanka: Oinik gabea, espezie sesila da, bizi den zurezko substratuari atxikita.

Haragia: Mehea, batzuetan gune zirkular zentrokideak ditu, kortxoaren antzekoa, larrukara, trinkoa, zuria. Usain fungiko atsegina, askotan larbek eraso egiten diote. Zapore ahula.[2]

Ardagai konkorduna azpitik ikusita

Etimologia: Trametes hitza latinezko “trama” hitzetik dator, ehun edo irun lodia, poroen itxuragatik. Gibbosa epitetoa berriz “gibboso” hitzetik dator, konkorduna esan nahi du. Kapelaren itxuragatik.

Jangarritasuna[aldatu | aldatu iturburu kodea]

Janezina.[3]

Nahasketa arriskua[aldatu | aldatu iturburu kodea]

Trametes hirsuta = Coriolus hirsutus perretxikoarekin, baina hau txikiagoa da, ileak tente ditu kapelan eta poro biribilak himenioan.[4]

Sasoia eta lekua[aldatu | aldatu iturburu kodea]

Urte osoan, pagoen enbor eta motzondoetan, oso ohikoa pagoetan, hala ere, Carpinus, Almus, Betula eta Populus zuhaitzetan ere garatu daitezke[5]

Banaketa eremua[aldatu | aldatu iturburu kodea]

Ipar Amerika, Europa, Mendebaldeko Afrika, Erdialdeko Amerika, Brasil, Ekuador, Indonesia, Australia, Hegoafrika, Txina, India, Japonia, Erdialdeko Asia, Kaukasia.

Erreferentziak[aldatu | aldatu iturburu kodea]

  1. Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza  •   Bizkaiko Perretxiko eta Onddoak, A.D.E.V.E., 2012  •   Euskalnatura  •   Euskal Herriko Onddoak. 5 tomos, Luis García Bona, Kriselv, 1987  •   Catálogo micológico del País Vasco, Aeranzadi, 1973  •   Mendizalearen Hiztegia [mikologia], Ostadar Mendi Taldea.
  2. (Gaztelaniaz) Mendaza, Ramon, Diaz, Guillermo. (1987). Guia fotografica y descriptiva 800 especies a todo color. Iberduero, 648 or. ISBN 84-404-0530-8..
  3. (Gaztelaniaz) Lotina, Roberto. (1985). Mil setas ibericas.. Diputacion foral de vizcaya, 404 or. ISBN 84-505-1806-7..
  4. (Gaztelaniaz) Palacios Quintano Daniel. (2014). Disfrutando con las setas. Leitzaran, Grafikak S.L. Andoain, Gipuzkoa, 472 or. ISBN 978-84-617-0196-4..
  5. (Gaztelaniaz) Cetto, Bruno. (1987). Guia de los hongos de Europa. Ediciones Omega, S. A. Barcelona, 565 or. ISBN 84-282-0540-X(T.2). ISBN: 84-282-0538-8 (O.C...

Kanpo estekak[aldatu | aldatu iturburu kodea]