Txakur erdi hondoratuta

Txakur erdi hondoratuta
	Irudi gehiago
Jatorria
Sortzailea(k)	Francisco Goya
Sorrera-urtea	1819
Izenburua	El perro, Guy Eats Pigs eta A kutya
Jatorrizko herrialdea	Espainia
Ezaugarriak
Materiala(k)	olio-pintura
Dimentsioak	131 () × 79 () cm ;
Genero artistikoa	paisaia margolaritza eta animal art (en)
Egile-eskubideak	jabari publiko
Deskribapena
Honen parte da	Margolan Beltzak
Kokapena
Lekua	Pradoko Museoa
Bilduma	Pradoko Museoa
Inbentarioa	P000767

Txakur erdi hondoratuta edo Txakurra bestetik gabe (gaztelaniaz: Perro semihundido) 1819an Francisco Goyak egindako margolana da, Margolan Beltzen sailekoa, Quinta del Sordo (Gorraren Etxea) zeritzon bi solairuko etxean jarrita, Madrilgo kanpoaldean. Gaur egun Pradoko museoan ikus daiteke, Madrilen.^[1]

Analisi garaikide batzuek geroagoko beste mugimendu artistiko batzuen lehen aztarnak ikusi nahi izan dituzte obran, hala nola inpresionismoarenak.

Deskribapena

Margolan handia da: 130 x 84 zm.

Oso koadro soila da: txakur baten burua baino ez du ageri, plano inklinatu baten atzetik. Plano hori okre ilun kolorekoa da, eta espazio bertikal baten gainean ageri da, tonu argiagoan, koadroaren espazioan beste irudirik gabe. Txakurraren buruaren begirada gorantz doa, eta bakardadea irudika lezake.

Historia

Gainerako Pintura Beltzak bezala, Txakurra hormatik mihisera eraman zuen Salvador Martínez Cubellsek 1873tik aurrera, 1878ko Parisko Erakusketa Unibertsalean saltzeko asmoa zuen Émile d'Erlanger baroiaren enkargua jaso ondoren. Hala ere, lanek ez zuten eroslerik erakarri eta baroiak berak eman zizkion dohaintzan, 1881ean, Pradoko museoari; gaur egun bertan daude ikusgai.

Interpretazioak

Lanaren interpretazio desberdinak egin dira:

Lana bukatu gabe dago.
1874an J. Laurent argazkilariak egindako argazkiaren azterketatik abiatuta egindako interpretazio batzuen arabera, txakurrak txori batzuen hegaldiari begiratzen dio oso interesaturik.^[2]
Valeriano Bozalek, 1997an, iritzi guztiak bildu zituen, tartean txakurrak hegan doazen bi txori ikusten dituela, edo Goyak koadroa amaitu ez zuela barne. Hala ere, erabat baieztatzen du bat bera ere ez dela argudio erabakigarria, eta ez ginatekeela ziur egon animalia hondoratzen ari denik ere.^[3]

Erreferentziak

↑ https://theartwolf.com/es/goya/perro-semihundido/
↑ José Manuel Arnaiz, Las pinturas negras de Goya, Madril, Antiqvaria, 1996, 36.or. ISBN 978-84-86508-45-6
↑ Valeriano Bozal, Pinturas negras de Goya, Madril, Tf Editores, 1997, 98.or. ISBN 84-89162-75-1

Kanpo estekak

(Gaztelaniaz):Pradoko museoaren fitxa.

Datuak: Q500936
Multimedia: Perro semihundido / Q500936

[1] ttps://theartwolf.com/es/goya/perro-semihundido/

[2] José Manuel Arnaiz, Las pinturas negras de Goya, Madril, Antiqvaria, 1996, 36.or. ISBN 978-84-86508-45-6

[3] Valeriano Bozal, Pinturas negras de Goya, Madril, Tf Editores, 1997, 98.or. ISBN 84-89162-75-1

[1]

[2]

[3]