Aitziber Agirre
| đ¶ Jaiotza 1974ko abuztuaren 27a Gasteiz |
đš Lanbidea biokimikari |
đ· |
Aitziber Agirre Ruiz de Arkaute Gasteizen jaio zen, 1974an, eta lehen hizkuntzak gaztelania eta euskara ditu. Biokimikan doktorea da, unibertsitatean irakaslea, eta, ofizioz, zientzia-kazetaria. Aitziberrek, Elhuyar fundazioarekin eta Udako Euskal Unibertsitatearekin kidetza dauka.
Ikertzailea biokimikan[aldatu | aldatu iturburu kodea]
2003an defendatutako doktore-tesian aztertu zuen zelula-mintzak nola ezegonkortzen diren produktu biraletan bidez. Ziklo biraletan, zenbait prozesuk zelula-mintzaren hesiaren perturbazioa eskatzen dute, hala nola fusioa, fusio-proteinek sustatua, eta iragazkortasuna, biporinek eragindakoa. Besteak beste, poliomelitisaren birusaren 2B biporinak mintzak iragazkortzeko duen gaitasuna eta azpiko mekanismo molekularra aztertu zituzten. Horretarako, eta
biologia molekularreko, biokimikoko eta biofisikoko tekniketan eta mintzaren ereduetan oinarritutako diziplina anitzeko azterketa egin zuten.
Zientzia-kazetaria[aldatu | aldatu iturburu kodea]
Elhuyar Zientzia eta Teknologia aldizkarian erregularki 2001az geroztik. 200 artikulu baino gehiago idatzi ditu, eta aldizkariaren zuzendaria da 2015etik, Eider Carton-ek utzi zuenetik.
Elhuyar Fundaziorako lan egiteaz gain, ETB1 eta ETB2rako Teknopolis telebista-programa aurkezten du. Saioa aurkeztu baino lehen, erredaktore-lanetan ibili zen.