Azala/Wikiproiektu:Zumaia BHI 2020-2021
| Aurkezpena | 2023-24 egindakoa |
2022-23 | 2021-22 | 2020-21 | Laburpena (2018-2023) |
Txikipedian nabigatuz |
|
|
|---|---|
| Artikulu kopurua | 1015 |
| Eguneratze data | 2024-3-22 |
Zumaia BHIko Txikipedia tailerra Zumaiako Institutuko curriculumean txertaturik dagoen Txikipediaren inguruko wikiproiektua da, 2020-2021 ikasturtean burutu ondoren hurrengo ikasturteetan jarraipena duena. Biologia-Geologia mintegia da Txikipedia tailerraren arduraduna eta ondorioz Natura Zientzien inguruko gaiak lantzen dira nagusiki.
Zumaiako Institutuko esperientziaren berri eman izan dugu hainbat komunikabidetan eta jardunalditan eta ikastaro txikiak ere egin izan ditugu ikastetxetan, berritzegunetan eta IRALEn.
Arrazoia eta 2020-2021 ikasturtea[aldatu | aldatu iturburu kodea]
2019-2020 ikasturtea berezia izan zen COVID-19 pandemiak Euskal Herriko gizartean, oro har, eta hezkuntzan, bereziki, izan zuen inpaktu handia zela eta, harremanak eta klaseen funtzionamendu normala baldintzatuz eta oztopatuz. Aldi berean, aldiz, bitarteko digitalen bidez lankidetzan aritu eta ikasteko parada eman zuen egoerak.
Txikipediaren sorreratik bertatik aritu izan gara artikuluak idazten Zumaiako institutuan. 2020-2021 urtean pausu bat haratago eman eta Txikipedia tailerra ikasgaia sortu genuen DBH 2. mailan Txikipedia eta hari loturiko Wikimediako proiektuak lantzeko eta, horien bidez, ikasleek askotariko trebetasunak ikasteko. Urte erdiko ikasgaia planteatu genuen eta ondorioz hamaika ikasletako bi taldek hartu zuten parte ikasturte hartan. Talde bakoitzak ikasturtearen erdia egin zuen. Emaitza aipagarriak lortu genituen; 142 artikulu sortu ziren eta Commonsen 64 artxibo gehitu ziren, tartean argazkiak, audioak eta QR kodeak. Ikasleek informatika ezagutzak garatu zituzten eta wikipediak berarekin dakarren filosofia barneratu zuten, elkarlana alde batetik eta edukiak eta ezagutzak munduarekin partekatzea bestetik.
Gure proiektuak zabalkundea ere izan zuen komunikabidetan. Onda Vasca irratiak zuzeneko konexioa egin zuen Txikipedia tailerreko klase batean eta Baleike aldizkariak herrian egindako "argazki safaria"-ren berri eman zuen. Eskola Digitala jardunaldietan ere gure proiektuaren berri eman genuen.
Jarraipena: 2021-2022 ikasturtea[aldatu | aldatu iturburu kodea]
Txikipedia tailerra 2020-2021 arrakastatsua izan zela iritzita hurrengo ikasturtean ere errepikatzea pentsatu zen. Ikasle kopuru handiagoa izan genuen gainera. Aurreko urteko eskema bera jarraitu zen. Guztira 196 artikulu egin ziren eta 26 argazki igo ziren Commonsera.
Euskarazko Wikipediak, 20 kandela! - Biba Zuek! ETB-ko saioan Zumaiako Txikipedia tailerraren berri eman genuen.
Aldaketa urtea: 2022-2023 ikasturtea[aldatu | aldatu iturburu kodea]
DBH 2. mailako ikasle gehienek hartu zuten parte Txikipedia tailerrean. 17-18 ikasletako bost talde izan ziren eta bakoitzak 14-15 saio izan zituen. Ikastaroa laburragoa izanik ikasleen interesa amaierararino mantendu zen, Commons eta proiektu paralelotan aritzeko astirik ez genuen izan ordea.
2023-2024 ikasturtean ere sistema berarekin jarraituko da.
Ikas-egoerak[aldatu | aldatu iturburu kodea]
2020-21 ikasturtean Institutuko patioko zuhaitzen artikuluak osatu genituen BioBlitz erara.
2024ko otsailean hiru kasgai bilduko dituen ikas-egoera sortu dugu Donostiako Aquariumarekin elkarlanean: Txikipedian nabigatuz. Batxilergo 1. mailako Biologia-Geologia, Marrazketa artistikoa eta Latin ikasgaietako ikasleek hartuko dute parte eta Donostiako Aquariumean dauden 50 arrain espezieren artikuluak egingo dituzte.