Wikipedia, Entziklopedia askea
< Txikipedia:Azala

Azala/Wikiproiektu:Zumaia BHI 2020-2021

Aurkezpena 1. taldea 2. taldea Artikuluen zerrenda
2021-2022
2020-2021
egindakoa
Historikoa
(2018-2022)

Zumaia BHI 2020-2021 Zumaiako Institutuko curriculumean txertaturik dagoen Txikipediaren inguruko wikiproiektua da, 2020-2021 ikasturtean burutu ondoren 2021-2022 ikasturtean jarraipena izango duena. Biologia-Geologia mintegia da Txikipedia tailerraren arduraduna eta ondorioz Natura Zientzien inguruko gaiak lantzen dira nagusiki.

Arrazoia eta 2020-2021 ikasturtea[aldatu | aldatu iturburu kodea]

2019-2020 ikasturtea berezia izan zen COVID-19 pandemiak Euskal Herriko gizartean, oro har, eta hezkuntzan, bereziki, izan zuen inpaktu handia zela eta, harremanak eta klaseen funtzionamendu normala baldintzatuz eta oztopatuz. Aldi berean, aldiz, bitarteko digitalen bidez lankidetzan aritu eta ikasteko parada eman zuen egoerak.

Txikipediaren sorreratik bertatik aritu izan gara artikuluak idazten Zumaiako institutuan. 2020-2021 urtean pausu bat haratago eman eta Txikipedia tailerra ikasgaia sortu genuen DBH 2. mailan Txikipedia eta hari loturiko Wikimediako proiektuak lantzeko eta, horien bidez, ikasleek askotariko trebetasunak ikasteko. Urte erdiko ikasgaia planteatu genuen eta ondorioz hamaika ikasletako bi taldek hartu zuten parte ikasturte hartan. Talde bakoitzak ikasturtearen erdia egin zuen. Emaitza aipagarriak lortu genituen; 142 artikulu sortu ziren eta Commonsen 64 artxibo gehitu ziren, tartean argazkiak, audioak eta QR kodeak. Ikasleek informatika ezagutzak garatu zituzten eta wikipediak berarekin dakarren filosofia barneratu zuten, elkarlana alde batetik eta edukiak eta ezagutzak munduarekin partekatzea bestetik.

Gure proiektuak zabalkundea ere izan zuen komunikabidetan. Onda Vasca irratiak zuzeneko konexioa egin zuen Txikipedia tailerreko klase batean eta Baleike aldizkariak herrian egindako "argazki safaria"-ren berri eman zuen. Eskola Digitala jardunaldietan ere gure proiektuaren berri eman genuen.

Jarraipena: 2021-2022 ikasturtea[aldatu | aldatu iturburu kodea]

Txikipedia tailerra 2020-2021 arrakastatsua izan zela iritzita hurrengo ikasturtean ere errepikatzea pentsatu da. Ikasle kopuru handiagoa izango dugu gainera. Aurreko urteko eskema bera jarraituko da. COVID-19 protokoloak baimentzen badu irteera gehiago egin ahal izango dira.

Txikipedia.svg