Wikipedia, Entziklopedia askea

Egiptoko piramideak

Gizako piramideak.

Egiptoko piramideak garai bateko faraoien hilobiak dira. Piramideak harrizko egitura handiak dira, hiruki modukoak. Barruan, gela txiki dotore batean, faraoia hobiratzen zuten, sarkofago batean momifikatuta eta altxorrez inguratuta.

Piramiderik ezagunenak Gizakoak dira, iraun duten guztien artean handienak eta hobetoen kontserbatuta daudenak direlako. Giza Egiptoren iparraldean dago, Kairo hiriburutik gertu.

Gizako piramideak hiru dira: Keopsen piramidea, Kefrenen piramidea eta Mizerinoren piramidea (keops, Kefren eta Mizerino faraoi batzuen izenak dira). Gutxi gorabehera, Kristo aurreko 2500. urtean eraiki zituzten, hau da, duela 4.500 urte. Hain zaharrak izan arren, oso ondo kontserbatuta daude: harri sendoak erabili zituzten eraikuntzan, eta piramidearen egiturak oso ondo jasaten du denboraren eragina. Gaur egun ez daukate hasieran zituzten harri leunduz egindako estalkia, beste eraikin batzuetarako kendu zituztelako noizbait.

Urteak behar izaten ziren piramide bat eraikitzeko. Greziako Herodoto historialariak esan zuen hogei urte behar izan zituztela Keopsen piramidea egiteko. Hori ba, inork ez daki nola eraiki ziren zehazki, oso harri handiak direlako; aditu batzuen ustez, hareazko arranpa handiak erabili zituzten; baina seguru aski beste tekbika batzuk erabiliko zituzten. Bestalde, langileak esklaboak zirela uste zen lehenago, baina gaur egun bestela uste da, hau da, soldatapeko langileak zirela eta ez esklaboak.