Wikipedia, Entziklopedia askea

Europako ibaiak

Jump to navigation Jump to search
Europako ibaiak.

Europako ibaiak ez dira oso luzeak ez eta emari handikoak, beste kontinenteetakoekin konparatuta. Volga (3.690 km) eta Danubio (2.860 km) dira luzeenak. Bi horiek eta beste asko (Rhin, Elba, Sena, etab.) nabigagarriak dira eta komunikazio-bide garrantzitsuak.

Lau taldetan sailkatzen dira, urak zein itsaso edo ozeanotara isurtzen dituzten kontuan izanda:

  • Ozeano Artikoan itsasoratzen direnak: Petxora eta Ipar Dvina ibaiak. Errusia iparraldeko lautada zabalak zeharkatzen dituzte eta neguan izoztuta egon ohi dira.
  • Ozeano Atlantikoan itsasoratzen direnak: Rhin, Sena, Tamesis, Loira, Duero eta Tajo ibaiak. Nabigagarriak dira, emari handia eta erregularra dutelako. Europa erdialdeko lautadak zeharkatzen dituzte.
  • Mediterraneora itsasoratzen direnak: Ebro, Rodano, Po eta Tiber dira garrantzitsuenak. Ez dira oso luzeak eta haietako gehienek lurralde menditsuak zeharkatzen dituzte. Ur-emarian gorabeherak izaten dituzte eta ibilbide motza dutenean askotan uholdeak eragiten dituzte.
  • Itsaso Beltzera edo Kaspiar Itsasora isurtzen direnak: Danubio, Dnieper, Volga, Ural eta Dniester ibaiak. Europako luzeenak dira, malda gutxikoak eta nabigagarriak.

Europako ibai nagusien luzera[aldatu | aldatu iturburu kodea]

Ondoko taulan ikus dezakezu Europako ibai nagusien luzera:

Zb. Izena Luzera
1 Volga 3.690 km
2 Danubio 2.860 km
3 Ural 2.428 km
4 Dnieper 2.290 km
5 Don 1.950 km
6 Petxora 1.809 km
7 Kama 1.805 km
8 Oka 1.500 km
9 Belaia 1.430 km
10 Tisza 1.358 km
11 Dniester 1.352 km
12 Rhin 1.320 km
13 Elba 1.091 km
14 Vistula 1.047 km
15 Tajo 1.038 km
16 Loira 1.012 km
17 Ebro 960 km
18 Sava 933 km
19 Rodano 815 km
20 Sena 776 km
21 Po 652 km

Ikusi hau ere[aldatu | aldatu iturburu kodea]