Orioko trainerua.

San Juango arraunlariak.

Kontxako Bandera urtero jokatzen den traineru estropada garrantzitsuena da. Donostian jokatzen da irailaren aurreneko bi igandeetan. Orio da garaipen gehien lortu dituen trainerua.

Izenaren arrazoia

Kontxako Bandera du izena arraun lehiaketa honek. Kontxa ("maskorra") Donostiako badiaren izena da, txirla baten maskorraren antza duelako. Bestalde, talde irabazleak jasotzen duen garaikurra Donostia hiriko Bandera da, zuria eta urdina.

Historia

1879 urtean izan zen lehenengo ekitaldia. Hasierako urte batzutan ez zen jokatu baina dagoeneko 124 edizio izan ditu. 1970tik aurrera traineru asko daude eta horregatik sailkapen estropada bat jokatzen da aurretik. Zazpi traineru sailkatzen dira, zortzigarrena Donostiarra trainerua da beti.

XIX. mendeko traineru onenak Donostia eta Getaria izan ziren. XX. mendean Orio, San Pedro, San Juan, Hondarribia, Kaiku eta Santurtzi. XXI. mendean Urdaibai, Castro Urdiales, Hondarribia eta Orio.

2008 urtean emakumezkoen estropada antolatu zen. Ordutik urtero jokatu da. Galizia eta San Juan izan dira onenak.

Garaipenak

Antzinako estropada, 1946 urtekoa.

Gizonezkoak

Taldea	Garaipenak
Orio	32
Donostia	15
San Pedro	14
Hondarribia	13
San Juan	10
Sestao	8
Getaria	5
Urdaibai	5

Emakumezkoak

Taldea	Garaipenak
Galizia	5
San Juan	5
Zumaia	1
Orio	1